سسر نے بہو کے شادی سے انکار پر 6 سالہ پوتے کو قتل کردیا

پنجاب کے علاقے گجر پورہ میں دادا نے بہو کے شادی سے انکار پر 6 سالہ پوتے کو قتل کردیا۔

ایکسپریس نیوز کے مطابق گجرپورہ میں 6 سالہ بچے غلام مصطفیٰ کو اُس کے دادا نے اغوا کے بعد قتل کیا، جس کا مقدمہ مقتول کے والد کی مدعیت میں درج کرلیا گیا ہے۔


ایف آئی آر کے متن میں لکھا گیا ہے کہ ملزم نذیر اپنی بہو کے ساتھ ناجائز تعلقات استوار کرنا چاہتا تھا، جس کے لیے ملزم نے بیٹے کو بہو کو طلاق دینے اور خود بہو سے شادی کرنے کے لئے پوتے کو اغوا کیا۔

مدعی کے مطابق بات نہ ماننے پر سفاک ملزم نے 6 سالہ پوتے کو اغوا کے دوران قتل کیا اور لاش پھینک دی۔

پولیس نے واقعے کا مقدمہ درج کر کے مزید کارروائی شروع کردی۔