آج تبدیلی کا دن قوم سے کیا ایک اور وعدہ پورا کردیا وزیراعظم

وزیراعظم شہباز شریف نے روس سے تیل کے پہلے جہاز کی کراچی آمد کو دونوں ملکوں کے درمیان تعقات کی نئی شروعات قرار دیدیا۔

وزیراعظم نے اپنے ٹوئٹ میں کہا کہ آج تبدیلی کا دن ہے، قوم کے ساتھ اپنے وعدوں میں سے ایک اور وعدہ ہم نے پورا کردیا، خوشی کے ساتھ اعلان کر رہا ہوں کہ روس سے رعایتی قیمت پر خام تیل سے بھرا بحری جہاز کراچی پہنچ گیا ہے اور کل سے تیل کی ترسیل شروع ہوجائے گی۔

شہباز شریف نے کہا کہ پاکستان کی تاریخ میں روس سے آنے والا تیل کا یہ پہلا جہاز ہے جو روسی فیڈریشن اور پاکستان کے درمیان نئے تعلقات کی شروعات ہے۔


یہ بھی پڑھیں: روس سے خام تیل کی پہلی کھیپ کراچی بندرگاہ پہنچ گئی

وزیراعظم شہباز شریف نے کہا کہ ہم ملک کی خوشحالی، معاشی ترقی، انرجی سکیورٹی اور مناسب داموں پر توانائی کی فراہمی کےلئے مناسب وقت پر مناسب قدم اٹھا رہے ہیں۔

وزیراعطم نے کہا میں اُن تمام لوگوں کو خراج تحسین پیش کرتا ہوں جو اس قومی کاوش اور روس سے پاکستان تیل لانے کے وعدے کو عملی تعبیر دینے کا حصہ رہے۔