نوشہرہ محکمہ ایکسائز کی کارروائی میں 6ملزمان کو گرفتار 198 کلوگرام منشیات برآمد

محکمہ ایکسائز مردان ریجن نے 24 گھنٹوں کے دوران مجموعی طور پر 6ملزمان کو گرفتار کرکے 198 کلوگرام منشیات برآمد کرلی۔

ترجمان ایکسائز کے مطابق ایکسائز ریجن اور ایکسائز انٹیلجنس کی مشترکہ کارروائی میں بلوچستان سے براستہ نظام پور منشیات اسمگلنگ کی کوشش ناکام بنا دی گئی۔


پِک اپ ڈاٹسن کے خفیہ خانے سے 72 کلوگرام چرس برآمد ہوئی، کارروائی میں لکی مروت کے رہائشی شاہد نواز کو موقع پر گرفتار کرلیا گیا۔

ترجمان نے بتایا کہ کارروائی میں ایکسائز انٹیلجنس اور تھانہ ایکسائز مردان ریجن کی مشترکہ ٹیموں نے حصہ لیا، واقعے کا مقدمہ تھانہ ایکسائز مردان میں درج کرلیا گیا۔