مالک مکان کے انتقال کے بعد اس کے حق میں فیصلہ آگیا کرائے دار بے دخل

لاہور ہائیکورٹ نے 27 سال بعد کرایہ دار کو بے دخل کرکے مالک مکان کے حق میں فیصلہ سنا دیا۔

مالک مکان محمد بلال کرائے دار سے مکان خالی کروانے کی جنگ میں زندگی کی بازی ہار گیا۔ سائل کے انتقال کے بعد ہائیکورٹ نے فیصلہ سناتے ہوئے ماتحت عدالتوں کے کرایہ دار کے حق میں تمام فیصلے کالعدم قرار دے دیے۔


جسٹس انوار حسین نے بلال احمد کی درخواست پر 11 صفحات پر مشتمل تحریری فیصلہ فیصلہ جاری کردیا۔

فیصلے کے مطابق باغبان پورہ کے محمد بلال نے 1995 میں کرایہ داری کا معاہدہ کیا، موجودہ قانون کرایہ داری ایکٹ کے تقاضوں کے مطابق ہے، میاں بلال کیخلاف بے دخلی کا دعوی خارج ہو چکا ہے۔

بلال نے 1999 میں رینٹ کنٹرولر کے پاس کرایہ دار کی بے دخلی کی درخواست دائر کی تھی جو خارج ہوگئی تھی۔