میکسیکو میں ہیٹ ویو سے ہلاک افراد کی تعداد 112 ہوگئی

غیر ملکی خبر رساں ادارے کے مطابق میکسیکو کی وزارتِ صحت جون کے مہینے میں ملک کے کچھ حصوں میں درجہ حرارت 50 ڈگری سیلسیس (122 فارن ہائیٹ) کے قریب پہنچ گیا جس سے ہیٹ اسٹروک اور جسم میں پانی کی کمی اموات کی وجہ بنی، دو ہفتوں کے دوران کم از کم 100 افراد ہلاک ہوچکے ہیں اور کم ازکم 1550 افراد کو اسپتالوں میں طبی امداد دی گئی۔

وزارتِ صحت کا کہنا ہے کہ سب سے زیادہ 64 اموات میکسیکو کی ریاست نیویو لیون میں ہوئی ہیں۔ وزارت صحت نے درجہ حرارت سے متعلق ایک رپورٹ میں کہا کہ دو تہائی سے زیادہ اموات 18 سے 24 جون کے درمیان ہوئیں جبکہ گزشتہ سال اسی عرصے کے دوران گرمی سے صرف ایک ہلاکت سامنے آئی تھی۔

خیال رہے کہ میکسیکو کی وزارتِ صحت نے یکم جولائی سے ایک اور ہیٹ ویو کا امکان بھی ظاہر کیا ہے۔