اِنٹربینک میں ڈالر کی اُڑان تیسرے روز بھی جاری رہی

ڈالر کی روپے کے مقابلے میں قیمت میں اضافے کا سلسلہ کاروباری ہفتے کے تیسرے روز بھی جاری رہا۔ انٹربینک میں ڈالر 283.80 روپے کا ہوگیا۔

انٹربینک میں ڈالر کی قدر میں 79 پیسے کی کمی سے کاروباری دن کا آغازہوا، جب روپے کے مقابلے میں ڈالر کی قیمت 282.25 روپے کی سطح پر آ گئی، تاہم مارکیٹ میں اُتار چڑھاؤ کا رجحان جاری رہا اور ڈالر کی قدر 1.08 روپے کم ہوکر 281.04 روپے ہو گئی۔

یہ خبر بھی پڑھیں: روپے کے مقابلے میں ڈالر مزید 4 روپے مہنگا


بعد ازاں ڈالر کی قیمت میں اضافہ شروع ہوا اور ڈالر کی قدر 16 پیسے، پھر 59 پیسے اور پھر 76 پیسے بڑھ کر 283.80 روپے کی سطح پر بند ہوئی۔

دوسری جانب پاکستان اسٹاک ایکسچینج میں تیزی کا رجحان رہا۔ 100 انڈیکس میں 135 پوائنٹس کی تیزی ریکارڈ ہوئی جس سے 100 انڈیکس بڑھ کر 45144 پوائنٹس کی سطح پر آگیا۔