ڈیرہ غازی خان میں 4 سالہ بچی سے زیادتی کرنے والا ملزم گرفتار

ڈیرہ غازی خان پولیس نے کارروائی کرتے ہوئے 4 سالہ بچی سے زیادتی کرنے والے درندہ صفت ملزم کو گرفتار کرلیا۔

پولیس اسٹیشن چوٹی کے علاقے میں گھر کے باہر کھیلتی چار سالہ بچی کو نامعلوم ملزم نے اغوا کرکے زیادتی کا نشانہ بنایا۔


ڈی پی او ڈیرہ غازی خان حسن افضل نے واقعے کا نوٹس لے کر ایس ایچ او کو ملزم کی گرفتاری کا ٹاسک دیا ۔ بچی کے والد کے بیان پر نامعلوم ملزم کے خلاف مقدمہ درج کرکے قانونی کارروائی کو آگے بڑھایا گیا۔

پولیس نے واقعے کا تمام پہلوؤں سے جائزہ لیتے ہوئے مشکوک افراد کو حراست میں لیا۔ دوران پوچھ گچھ وسیم نامی ملزم نے جرم کا اعتراف کیا ، جس سے مزید تفتیش جاری ہے۔