باجوڑ دھماکا کراچی پولیس کو ہائی الرٹ کردیا گیا

باجوڑ دھماکے کے بعد کراچی پولیس کو ہائی الرٹ رہنے کے احکامات جاری کردیے گئے ہیں۔

ایڈیشنل آئی جی کراچی جاوید عالم اوڈھو نے باجوڑ دھماکے کے تناظر میں کراچی پولیس کو ہائی الرٹ رہنے کے احکامات جاری کیے ہیں۔


پولیس کو شہر میں سیکیورٹی اقدامات مزید بہتر بنانے، انتہائی متحرک رہنے اور غیر معمولی سرگرمیوں کی مکمل نگرانی کرنے کی سخت ہدایات جاری کی ہیں۔

تمام مساجد، مدارس، امام بارگاہوں اور اطراف سمیت ممکنہ حساس علاقوں میں انٹیلی جنس بڑھانے اور تھانوں کی سطح پر روابط مزید مربوط کرنے کے احکامات جاری کیے ہیں۔

پولیس چیف نے ہدایات جاری کی ہیں کہ پیٹرولنگ، پکٹنگ اور ناکہ بندی سخت بنائی جائے۔