پاکستان رواں برس ٹی10 لیگ کے انعقاد کا خواہاں
مصروف شیڈول چیلنج بنے گا، کچھ عرصے میں تفصیلات اور لوگو کے اجرا کا امکان
مصروف شیڈول چیلنج بنے گا، کچھ عرصے میں تفصیلات اور لوگو کے اجرا کا امکان۔ فوٹو : فائل
پاکستان رواں برس ہی ٹی 10 کرکٹ لیگ کے انعقاد کا خواہاں ہے البتہ مصروف شیڈول چیلنج بنے گا۔
60 بالز پر مشتمل ٹی 10کرکٹ کی پہلی لیگ دسمبر 2017میں یو اے ای میں منعقد ہوئی تھی،بعد میں ویسٹ انڈیز اور سری لنکن کرکٹ بورڈز نے بھی اس میں دلچسپی دکھائی، گذشتہ دنوں زمبابوے کرکٹ نے مختصر طرز کے میچز پر مشتمل ایونٹ کا انعقاد کیا تھا، اب پاکستان بھی ٹی 10لیگ کرانے کیلیے کوشاں ہے۔
پی سی بی مینجمنٹ کمیٹی کے سربراہ ذکا اشرف اس کااعلان بھی کر چکے ہیں، اس حوالے سے رابطے پر ایک بورڈ آفیشل نے کہا کہ کھیل میں اب جدت آتی جا رہی ہے،ہمیں وقت کے ساتھ چلنا ہوگا،ٹی ٹین لیگ آئندہ چند برسوں میں مزید مقبولیت حاصل کر سکتی ہے، اس لیے ہم چاہتے ہیں کہ اس طرز کے ایونٹ کا انعقاد کریں۔
یہ بھی پڑھیں: یو ایس ٹی10 لیگ؛ پاکستان کے 10 کرکٹرز ٹورنامنٹ میں رنگ جمائیں گے
انھوں نے کہا کہ پی ایس ایل اب دنیا بھر میں نمایاں مقام رکھتی ہے،اب پی سی بی ٹی ٹین لیگ شروع کرنا چاہتا ہے، ذکا اشرف کی خواہش ہے کہ جلد ہی انعقاد کر لیا جائے، اگر سب کچھ پلان کے مطابق ہوا تو رواں برس ہی پہلا ایڈیشن منعقد کر لیں گے، البتہ مصروف شیڈول سے کوئی ونڈو نکالنا بھی بڑا چیلنج ثابت ہوگا،اس لیگ کے لیے الگ فرنچائزز فروخت کی جائیں گی،
بورڈ سے کئی افراد نے رابطہ بھی کیا ہے کہ جب کبھی کوئی ایسا ایونٹ شروع کریں تو ہمیں ضرور بتائیں، کچھ عرصے بعد ایک تقریب میں ٹی10 لیگ کی تفصیلات کا اعلان اورلوگو کا بھی اجرا کر دیا جائے گا،حکام کی کوشش ہوگی کہ فرنچائز خریدنے والوں کو ویمن ٹیمیں بنانے پر بھی قائل کیا جائے۔
60 بالز پر مشتمل ٹی 10کرکٹ کی پہلی لیگ دسمبر 2017میں یو اے ای میں منعقد ہوئی تھی،بعد میں ویسٹ انڈیز اور سری لنکن کرکٹ بورڈز نے بھی اس میں دلچسپی دکھائی، گذشتہ دنوں زمبابوے کرکٹ نے مختصر طرز کے میچز پر مشتمل ایونٹ کا انعقاد کیا تھا، اب پاکستان بھی ٹی 10لیگ کرانے کیلیے کوشاں ہے۔
پی سی بی مینجمنٹ کمیٹی کے سربراہ ذکا اشرف اس کااعلان بھی کر چکے ہیں، اس حوالے سے رابطے پر ایک بورڈ آفیشل نے کہا کہ کھیل میں اب جدت آتی جا رہی ہے،ہمیں وقت کے ساتھ چلنا ہوگا،ٹی ٹین لیگ آئندہ چند برسوں میں مزید مقبولیت حاصل کر سکتی ہے، اس لیے ہم چاہتے ہیں کہ اس طرز کے ایونٹ کا انعقاد کریں۔
یہ بھی پڑھیں: یو ایس ٹی10 لیگ؛ پاکستان کے 10 کرکٹرز ٹورنامنٹ میں رنگ جمائیں گے
انھوں نے کہا کہ پی ایس ایل اب دنیا بھر میں نمایاں مقام رکھتی ہے،اب پی سی بی ٹی ٹین لیگ شروع کرنا چاہتا ہے، ذکا اشرف کی خواہش ہے کہ جلد ہی انعقاد کر لیا جائے، اگر سب کچھ پلان کے مطابق ہوا تو رواں برس ہی پہلا ایڈیشن منعقد کر لیں گے، البتہ مصروف شیڈول سے کوئی ونڈو نکالنا بھی بڑا چیلنج ثابت ہوگا،اس لیگ کے لیے الگ فرنچائزز فروخت کی جائیں گی،
بورڈ سے کئی افراد نے رابطہ بھی کیا ہے کہ جب کبھی کوئی ایسا ایونٹ شروع کریں تو ہمیں ضرور بتائیں، کچھ عرصے بعد ایک تقریب میں ٹی10 لیگ کی تفصیلات کا اعلان اورلوگو کا بھی اجرا کر دیا جائے گا،حکام کی کوشش ہوگی کہ فرنچائز خریدنے والوں کو ویمن ٹیمیں بنانے پر بھی قائل کیا جائے۔