’’شیکھر دھون کی ڈریم ٹیم میں کوئی پاکستانی شامل نہیں‘‘

بھارت میں شیڈول ورلڈکپ جیتنے کی دعویدار پاکستانی ٹیم کے پلئیر کو شیکھر دھون نے اپنی ڈریم ٹیم میں شامل نہیں کیا۔

بھارتی اوپنر شیکھر دھون نے بھارت میں شیڈول ورلڈکپ 2023 کیلئے ڈریم ٹیم کا انتخاب کرتے ہوئے بغیر کسی تعجب پاکستانی پلئیر کو شامل نہیں کیا جبکہ اپنے ملک کے ہی پانچ کھلاڑیوں کو ٹیم میں جگہ دیدی۔

دھون کی جانب سے ورلڈکپ 2023 کیلئے جس ڈریم ٹیم کا انتخاب کیا گیا اس میں بھارتی کپتان روہت شرما، ویرات کوہلی، آسڑیلوی پیسر مچل اسٹارک، افغان لیگ اسپنر راشد خان اور جنوبی افریقہ کے رباڈا شامل ہیں۔

مزید پڑھیں: شاہین اور حارث کا خوف؛ بھارتی سلیکشن کمیٹی کوہلی کا نام لینے پر مجبور


انہوں نے کہا کہ مچل اسٹارک کی ٹیم شمولیت کی وجہ سے بالنگ میں شاہین کا انتخاب نہیں کروں گا بلکہ انکی اضافی رفتار اور اچھال کے باعث جنوبی افریقہ کے رباڈا کو اسکواڈ میں شامل کروں گا۔

مزید پڑھیں: ورلڈکپ؛ آکاش چوپڑا نے بھی 4 سیمی فائنلسٹ ٹیموں کا نام بتادیا

قبل ازیں بھارت کے سابق کرکٹر ویندر سہواگ، سارو گنگولی اور معروف کمنٹیٹر آکاش چوپڑا نے بھی ورلڈکپ 2023 میں پاکستان کو سیمی فائنلسٹ کھیلنے والی ٹیموں میں شامل کیا تھا۔