’صدی کا سب سے بہترین ٹریلر دیکھا‘ کرن جوہر کی پوسٹ نے نئی بحث چھیڑ دی

بالی وڈ کے نامور فلمساز کرن جوہر کی مبہم پوسٹ نے سوشل میڈیا پر نئی بحث چھیڑ دی ہے۔

فلمساز نے اپنی انسٹاگرام اسٹوری پر لکھا کہ انہوں نے صدی کا سب سے بہترین فلم ٹریلر دیکھا ہے جبکہ انہوں نے کسی فلم کا نام نہیں لکھا۔

کرن جوہر کے نام نہ لکھنے کے باوجود کنگ خان کے مداحوں نے اسے میگا تھرلر 'جوان' کا متوقع ٹریلر قرار دیا ہے۔




بالی وڈ کنگ شاہ رخ خان کی فلم 'جوان' کی ریلیز میں دو ہفتے رہ گئے ہیں اور اس کا ٹریلر جلد ریلیز کیا جائے گا جس کا مداح بے تابی سے انتظار کررہے ہیں۔

'جوان' 7 ستمبر کو پوری دنیا میں پانچ زبانوں ہندی، تامل، کناڈا، ملیالم اور تیلگو زبان میں ریلیز کیلئے پیش کی جائے گی۔