کی بورڈ پر مشتمل پفر جیکٹ برائے فروخت قیمت 625 ڈالر

جدید تقاضوں کے فیشن سے وابستہ ایک کمپنی نے کمپیوٹر کی بورڈ پر مبنی پفر جیکٹ بنائی ہے جس کا ڈیزائن کچھ اس طرح ہے کہ ان پر تھری ڈی کیز کا گمان ہوتا ہے اور کی تعداد 54 کے قریب ہے۔

نیش فیشن کے تحت نئی کمپنی 'لیمینل ورک' نے سخت سردیوں کے لیے یہ واٹرپروف جیکٹ بنائی ہے۔ اس کی قیمت 625 ڈالر یعنی ایک لاکھ نوے ہزار روپے کے قریب ہے۔ یہ پھولی ہوئی پفرجیکٹ ہے جو دیکھنے میں کچھ عیجیب اور کچھ اختراعی صورت رکھتی ہے۔




اس کا پورا ڈیزائن کی بورڈ کو مدِنظر رکھتے ہوئے بنایا گیا ہے۔ کمپنی کے مطابق یہ آرٹ اور فیشن کا ایک نمونہ ہے اور کیز کو تھری ڈی پیڈ کی صورت میں ابھارا گیا ہے۔ سیاہ اور سرمئی (گرے) رنگت سے کییز بنائی گئی ہیں۔ دوسرا ڈیزائن ہاتھی دانت جیسا سفید ہے اور دیکھنےمیں بھلا لگتا ہے۔



چیکٹ کےاندر کی جانب نرم چمڑا لگایا ہے جو یورپ میں فاکس لیدر کے نام سے مشہور ہے۔ کئی کی بورڈ کے اندر جیبیں بھی بنائی گئی ہے جو اسے کارگو جیکٹ بناتی ہیں۔ تاہم اب دیکھنا یہ ہے کہ یہ غیرمعمولی ڈیزائن والی جیکٹ کتنی مقبول ہوتی ہے۔