شوبز چھوڑا نہیں اچھا کردار ملا تو ضرور کرونگی سلومی

تھیٹر ڈراموں سے شہرت حاصل کرنیوالی معروف ادکارہ سلومی نے کہا کہ میں نے شوبز سے علیحدگی اختیار نہیں کی بلکہ منتخب کرداروں تک اپنے آپ کو محدود کر لیا۔


ویسے بھی ان دنوں کمرشل تھیٹر میں اتنا اچھا کام نہیں ہو رہا، تھیٹر ڈراموں کو غیر معیاری تھیٹر نے بہت نقصان پہنچایا، تھیٹر کو میوزیکل پروگرام میں تبدیل کرنے سے اس کی ساکھ بری طرح متاثر ہوئی، میں نے ہمیشہ ایسے ڈراموں میں کام کیا جو دنیا بھر میں پسند کیے گئے اور آج بھی ان ڈراموں میں کیے گئے میرے کردار لوگوں کو یاد ہیں۔

یہ بات انھوں نے ایکسپریس سے گفتگو کرتے ہوئے کہی، انھوں نے کہا جب بھی کوئی اچھے اور معیاری ڈرامے میں کام کرنے کی پیشکش ہوئی ضرور کام کروں گی، ان دنوں اپنے میوزیکل پروگرام کی تیاری میں مصروف ہوں جو جلد کراچی میں پیش کیا جائیگا۔