ایشیاکپ کی رونقیں آج لاہور میں سجیں گی
بنگلہ دیش شکست کے ازالے،افغانستان مہم کا فاتحانہ آغاز کرنے کیلیے پْرعزم
بنگلہ دیش شکست کے ازالے،افغانستان مہم کا فاتحانہ آغاز کرنے کیلیے پْرعزم۔ فوٹو: آئی سی سی
ایشیا کپ کی رونقیں اتوار کو لاہور میں سجیں گی،پہلے میچ میں شکست خوردہ بنگلہ دیشی ٹیم بہتر بیٹنگ پلان سے کم بیک کی کوشش کرے گی۔
ایشیا کپ کا لاہور میں پہلا مقابلہ اتوار کو بنگلہ دیش اور افغانستان کے درمیان ہوگا، مقابلے کیلیے تیاریاں مکمل کر لی گئیں، سخت حفاظتی حصار قائم ہے، دونوں ٹیموں نے گذشتہ روز اچھی پریکٹس کرلی، پالے کیلی میں کھیلے جانے والے پہلے میچ میں فلاپ بیٹنگ شو کے بعد بنگال ٹائیگرز قذافی اسٹیڈیم کی اچھی کنڈیشنز میں کارکردگی بہتر کرنے کی کوشش کریں گے۔
اوپنرز محمد نائم اور کیریئر کا دوسرا میچ کھیلنے والے تنزید حسن دباؤ میں ہوں گے،ٹیم کے واحد ان فارم بیٹر نجم الحسن شانتو ایک بار پھر امیدوں کا محور ہیں،کپتان شکیب الحسن، توحید ہری دوئے اور مشفیق الرحیم کو بھی ذمہ دارانہ بیٹنگ کرنا ہوگی،اسپنرز شکیب الحسن اور مہدی حسن ٹرمپ کارڈ ثابت ہوسکتے ہیں، پیسرز تسکین احمد، شریف الاسلام اور مستفیض الرحمان بھی وکٹیں اڑانے کیلیے کوشاں ہوں گے۔
یہ بھی پڑھیں: ایشیاکپ؛ سری لنکا نے بنگلہ دیش کو یکطرفہ مقابلے کے بعد شکست دیدی
دوسری جانب افغان ٹیم سری لنکا میں پاکستان سے سیریز کے تینوں میچز ہارگئی تھی مگر انفرادی طور پر چند کرکٹرز نے متاثر کن کارکردگی کا مظاہرہ کیا،رحمان اللہ گرباز اور ابراہیم زدران اچھی فارم میں ہیں،کپتان حشمت اللہ شاہدی سے بھی جارحانہ بیٹنگ کی توقعات وابستہ ہوں گی،راشد خان اور محمد نبی آل راؤنڈ کارکردگی سے فتح کی راہ ہموار کرسکتے ہیں۔
مجیب الرحمان نے پاکستان کیخلاف تیسرے ون ڈے میں 37 گیندوں پر 64رنز بناکر ثابت کیا کہ وہ اسپن بولنگ ہی نہیں بیٹنگ میں بھی خطرناک ثابت ہونے کے اہل ہیں،فضل حق فاروقی اور فرید احمد پیس بولر کے طور پر امیدوں کا مرکز ہوں گے مگر دونوں کی کارکردگی میں تسلسل نہیں ہے،بنگلہ دیشی بیٹرز تیزی سے رنز بنانے کیلیے دونوں کو نشانے پر رکھنے کا سوچ رہے ہوں گے۔
ایشیا کپ کا لاہور میں پہلا مقابلہ اتوار کو بنگلہ دیش اور افغانستان کے درمیان ہوگا، مقابلے کیلیے تیاریاں مکمل کر لی گئیں، سخت حفاظتی حصار قائم ہے، دونوں ٹیموں نے گذشتہ روز اچھی پریکٹس کرلی، پالے کیلی میں کھیلے جانے والے پہلے میچ میں فلاپ بیٹنگ شو کے بعد بنگال ٹائیگرز قذافی اسٹیڈیم کی اچھی کنڈیشنز میں کارکردگی بہتر کرنے کی کوشش کریں گے۔
اوپنرز محمد نائم اور کیریئر کا دوسرا میچ کھیلنے والے تنزید حسن دباؤ میں ہوں گے،ٹیم کے واحد ان فارم بیٹر نجم الحسن شانتو ایک بار پھر امیدوں کا محور ہیں،کپتان شکیب الحسن، توحید ہری دوئے اور مشفیق الرحیم کو بھی ذمہ دارانہ بیٹنگ کرنا ہوگی،اسپنرز شکیب الحسن اور مہدی حسن ٹرمپ کارڈ ثابت ہوسکتے ہیں، پیسرز تسکین احمد، شریف الاسلام اور مستفیض الرحمان بھی وکٹیں اڑانے کیلیے کوشاں ہوں گے۔
یہ بھی پڑھیں: ایشیاکپ؛ سری لنکا نے بنگلہ دیش کو یکطرفہ مقابلے کے بعد شکست دیدی
دوسری جانب افغان ٹیم سری لنکا میں پاکستان سے سیریز کے تینوں میچز ہارگئی تھی مگر انفرادی طور پر چند کرکٹرز نے متاثر کن کارکردگی کا مظاہرہ کیا،رحمان اللہ گرباز اور ابراہیم زدران اچھی فارم میں ہیں،کپتان حشمت اللہ شاہدی سے بھی جارحانہ بیٹنگ کی توقعات وابستہ ہوں گی،راشد خان اور محمد نبی آل راؤنڈ کارکردگی سے فتح کی راہ ہموار کرسکتے ہیں۔
مجیب الرحمان نے پاکستان کیخلاف تیسرے ون ڈے میں 37 گیندوں پر 64رنز بناکر ثابت کیا کہ وہ اسپن بولنگ ہی نہیں بیٹنگ میں بھی خطرناک ثابت ہونے کے اہل ہیں،فضل حق فاروقی اور فرید احمد پیس بولر کے طور پر امیدوں کا مرکز ہوں گے مگر دونوں کی کارکردگی میں تسلسل نہیں ہے،بنگلہ دیشی بیٹرز تیزی سے رنز بنانے کیلیے دونوں کو نشانے پر رکھنے کا سوچ رہے ہوں گے۔