کراچی گلستان جوہر میں فائرنگ سے معروف عالم دین جاں بحق
مولانا ضیاء الرحمان کو تین سے چار گولیاں لگیں، جائے وقوعہ سے 11 خول ملے ہیں، پولیس
(فوٹو فائل)
گلستان جوہر میں فائرنگ سے معروف عالم دین مولانا ضیاء الرحمان جاں بحق ہوگئے۔
ایکسپریس نیوز کے مطابق شاہراہ فیصل تھانے کی حدود گلستان جوہر بلاک 16 میں نامعلوم مسلح موٹر سائیکل سواروں نے فائرنگ کرکے جامعہ ابوبکر اسلامیہ کے مہتمم مولانا ضیاء الرحمن کو قتل کردیا۔
اے ایس پی ظفر چھانگا کے مطابق مولانا ضیاء الرحمان گلستان جوہر میں ایف بی آر بلڈنگ کے سامنے پارک میں چہل قدمی کررہے تھے جہاں اُن پر فائرنگ کی گئی جس سے وہ موقع پر جاں بحق ہوگئے۔ مولانا سے موبائل فون یا نقدی بھی نہیں چھینی گئی۔
ایس ایس پی ایسٹ عرفان بہادر کا کہنا ہے کہ جائے وقوعہ سے 11 خول ملے ہیں جس میں چار خول نائن ایم ایم اور سات تیس بور کے ہیں۔ اطراف میں موجود سی سی ٹی وی کیمروں کی نشاندہی کرلی ہے جس سے ٹارگٹ کلرز کی شناخت ممکن ہوجائے گی۔
ایس ایس پی عرفان بہادر کے مطابق عینی شاہدین کا کہنا ہے کہ دو موٹر سائیکل پر سوار ملزمان نے اندھا دھند فائرنگ کی، دریں اثنا آئی جی سندھ رفعت مختار نے واقعے کا نوٹس لیکر ایس ایس پی ایسٹ سے تفصیلات طلب کرلی ہیں۔
ایکسپریس نیوز کے مطابق شاہراہ فیصل تھانے کی حدود گلستان جوہر بلاک 16 میں نامعلوم مسلح موٹر سائیکل سواروں نے فائرنگ کرکے جامعہ ابوبکر اسلامیہ کے مہتمم مولانا ضیاء الرحمن کو قتل کردیا۔
اے ایس پی ظفر چھانگا کے مطابق مولانا ضیاء الرحمان گلستان جوہر میں ایف بی آر بلڈنگ کے سامنے پارک میں چہل قدمی کررہے تھے جہاں اُن پر فائرنگ کی گئی جس سے وہ موقع پر جاں بحق ہوگئے۔ مولانا سے موبائل فون یا نقدی بھی نہیں چھینی گئی۔
ایس ایس پی ایسٹ عرفان بہادر کا کہنا ہے کہ جائے وقوعہ سے 11 خول ملے ہیں جس میں چار خول نائن ایم ایم اور سات تیس بور کے ہیں۔ اطراف میں موجود سی سی ٹی وی کیمروں کی نشاندہی کرلی ہے جس سے ٹارگٹ کلرز کی شناخت ممکن ہوجائے گی۔
ایس ایس پی عرفان بہادر کے مطابق عینی شاہدین کا کہنا ہے کہ دو موٹر سائیکل پر سوار ملزمان نے اندھا دھند فائرنگ کی، دریں اثنا آئی جی سندھ رفعت مختار نے واقعے کا نوٹس لیکر ایس ایس پی ایسٹ سے تفصیلات طلب کرلی ہیں۔