حج آپریشن کل سے شروعوزراارکان اسمبلی عازمین کوروانہ کرینگے

وزارت مذہبی امورکے ترجمان نے کہا ہے کہ پاکستان سے حج آپریشن کاآغازکل بدھ سے ہوگا۔

جبکہ اس سلسلے میںپہلی حج پرواز19ستمبرسے عازمین حج کولے کرسعودی عرب روانہ ہوگی۔مختلف شہروں سے وفاقی وزار اور ممبران قومی اسمبلی عازمین کوحاجی کیمپوں سے الوادع کرینگے۔


حاجیوں کوکہاگیا ہے کہ وزارت حج کی جانب سے ارسال کیاجانے والااطلاع نامہ،قومی شناختی کارڈ بمعہ فوٹو کاپی اور بینک کی طرف سے تصدیق شدہ چارعدد تصاویراپنے ہمراہ لائیںعازمین حج کی حاجی کیمپ آمدکاسلسلہ آج سے شروع ہو جائے گا،پرائیویٹ اورسرکاری حج اسکیم کے تحت عازمین کی حج پر روانگی کے سلسلے میں پی آئی اے نے حج آپریشن کوحتمی شکل دے دی۔

باچا خان انٹرنیشنل ائیرپورٹ پشاور سے19 ستمبر سے شروع ہونے والاآپریشن دس دسمبر کومکمل ہو جائے گا،پہلی پرواز19ستمبرکوشام ساڑھے 6 بجے پی آئی اے پشاورکے ڈی ایم طارق حیات اورسٹیشن منیجر احسان رخصت کریںگے۔