الیکشن کمیشن کا عام انتخابات میں ایک سے زائد ووٹ ڈالنے والوں کے خلاف کارروائی کا فیصلہ

KARACHI:
الیکشن کمیشن نے عام انتخابات میں ایک سے زائد ووٹ ڈالنے والوں کے خلاف کارروائی کا فیصلہ کیا ہے اور جرم ثابت ہونے پر ملزم کو 3 سال تک قید کی سزا ہوسکتی ہے۔


قائم مقام چیف الیکشن کمشنر کی زیر صدارت کمیشن ارکان کا اجلاس جس کے بعد میڈیا کو بریفنگ دیتے ہوئے ایڈیشنل سیکریٹری شیر افگن نے بتایا کہ الیکشن ٹریبونلز ایک سے زائد ووٹ ڈالنے والوں کا ریکارڈ الیکشن کمیشن کو پیش کریں گے اور جرم ثابت ہونے پر ملزم کو 3 سال تک قید کی سزا ہوسکتی ہے۔ انہوں نے کہا کہ اجلاس میں 11 نئی سیاسی جماعتوں کی رجسٹریشن کی منظوری دی گئی جس کے بعد ملک میں سیاسی جماعتوں کی تعداد 281 ہوگئی ہے۔