ملک میں سونے کی قیمت میں مزید کمی

سونے کی عالمی و مقامی قیمتوں میں کمی ہوگئی۔

بین الاقوامی بلین مارکیٹ میں فی اونس سونے کی قیمت 26 ڈالر گھٹ کر 1975 ڈالر پر آگئی جس کے سبب ملکی سطح پر بھی سونے کے نرخ کم ہوگئے۔


ملکی مارکیٹوں میں فی تولہ سونے کی قیمت صرف 400 روپے گھٹ کر 209200 روپے پر ہوئی، جبکہ دس گرام سونے کی قیمت بھی صرف 343 روپے گھٹ کر 179355 روپے پر آگئی۔

اسکے برعکس فی تولہ چاندی کی قیمت بغیر کسی تبدیلی کے 2550روپے پر مستحکم رہی اور دس گرام چاندی کی قیمت بھی بغیر کسی تبدیلی کے 2186.21 روپے پر مستحکم رہی۔