عمران خان کے جسمانی ریمانڈ سے متعلق نیب درخواست پر فیصلہ محفوظ

احتساب عدالت نے نیب کی چیرمین پی ٹی آئی عمران خان کے جسمانی ریمانڈ پر فیصلہ محفوظ کرلیا۔

اڈیالہ جیل راولپنڈی میں 190 ملین روپے القادر یونیورسٹی کیس کی سماعت ہوئی۔ نیب جج بشیر خان نے سماعت کی۔


نیب تفتیشی ٹیم نے دس روزہ جسمانی ریمانڈ کی استدعا کی۔ نیب پراسیکیوٹر سردار مظفر عباسی نے جسمانی ریمانڈ کیلئے دلائل دیے۔

چییرمین پی ٹی آئی کے وکیل سلمان صفدر نے جسمانی ریمانڈ کی مخالفت کرتے ہوئے جوڈیشل ریمانڈ کی استدعا کی۔

نیب عدالت کے جج محمد بشیر خان نے 190 ملین کیس میں 10 روزہ جسمانی ریمانڈ کی درخواست کی سماعت مکمل ہونے پر فیصلہ محفوظ کرلیا۔ وہ تھوڑی دیر میں فیصلہ سنائیں گے۔