رنیبر کپور کی سات فلموں نے 100 کروڑ کا سنگ میل عبور کرلیا

بھارتی سپر اسٹار رنیبر کپور کی سات فلموں نے 100 کروڑ کا سنگ میل عبور کرلیا۔

یکم دسمبر کو ریلیز ہونے والی میگا ایکشن تھرلر فلم 'انیمل' نے تین دن میں دو سو کروڑ سے زائد کا بزنس حاصل کرلیا ہے۔

'انیمل' کی ریلیز سے قبل یہ اندازہ لگایا جارہا تھا کہ ریلیز کے پہلے دن ہی یہ فلم باکس آفس پر 100 کروڑ کا بزنس کرسکتی ہے جبکہ فلم نے 116 کروڑ کا دھماکہ خیز بزنس دیا ہے۔

مزید پڑھیں: سینما گھروں کے باہر رش، رنبیر کپور کی فلم "انیمل" ریلیز ہوتے ہی چھاگئی


فلم میں رنبیر کپور کے مقابلے میں بوبی دیول ولن کا کردار ادا کررہے ہیں جبکہ رشمیکا مندانا نے فلم میں خاتون اداکارہ کا مرکزی کردار ادا کیا ہے۔

انیل کپور نے 'انیمل' میں رنبیر کپور کے والد کا کردار نبھایا ہے، فلم کو پوری دنیا میں پانچ زبانوں ہندی، تیلگو، تامل، کناڈا اور ملیالم میں ریلیز کیا گیا ہے۔

مزید پڑھیں: عالیہ بھٹ نے "انیمل" کو خطرناک قرار دیدیا

مداحوں کو فلم 'انیمل' کا بےصبری سے انتظار تھا کیونکہ اس فلم کے سنسنی خیز ٹریلر نے ریلیز سے قبل ہی رنبیر کپور کے کردار کی دہشت پھیلا رکھی تھی۔