کراچی میں ڈکیتی مزاحمت پر معروف ذاکر زخمی
واقعہ ملیر کے علاقے جعفر طیار میں پیش آیا، مسلح افراد لوٹ مار کے بعد فرار
فوٹو فائل
شہر قائد میں پھرتے دندناتے ڈاکوؤں نے ملیر میں معروف ذاکر علامہ سید جواد حیدر زیدی کو مزاحمت پر زخمی کردیا۔
تفصیلات کے مطابق ملیر سٹی کے علاقے میں موٹر سائیکل سوار ڈاکوؤں نے ڈکیتی کے دوران مزاحمت پر 58 سالہ علامہ سید جواد حیدر زیدی کو فائرنگ کر کے زخمی کر دیا اور لوٹ مار کے بعد موقع سے فرار ہوگئے۔
پولیس کے مطابق فائرنگ کا واقعہ جعفر طیار سوسائٹی امامیہ مسجد کے قریب پیش آیا، جس میں زخمی ہونے والے 58 سالہ سید جواد حیدر زیدی کو طبی امداد کے لیے اسپتال منتقل کردیا گیا اور اُن کی حالت خطرے سے باہر ہے۔ ڈاکٹرز کے مطابق جواد حیدر کی ران پر گولی لگی ہے۔
اس حوالے سے پولیس نے علاقے میں نصب کلوز سرکٹ کیمروں کی فوٹیجز حاصل کرنے کی کوششیں شروع کردیں تاکہ واردات میں ملوث ڈاکوؤں کی شناخت میں مدد مل سکے۔
آئی جی سندھ رفعت مختار راجہ نے علامہ سید جواد حیدر زیدی کو ڈکیتی کے دوران مزاحمت پر فائرنگ کا نشانہ بنا کر زخمی کرنے کے واقعہ کا نوٹس لیتے ہوئے ڈی آئی جی ایسٹ کو واردات میں ملوث ملزمان کو گرفتار کرنے کی ہدایت جاری کردی ہیں۔
تفصیلات کے مطابق ملیر سٹی کے علاقے میں موٹر سائیکل سوار ڈاکوؤں نے ڈکیتی کے دوران مزاحمت پر 58 سالہ علامہ سید جواد حیدر زیدی کو فائرنگ کر کے زخمی کر دیا اور لوٹ مار کے بعد موقع سے فرار ہوگئے۔
پولیس کے مطابق فائرنگ کا واقعہ جعفر طیار سوسائٹی امامیہ مسجد کے قریب پیش آیا، جس میں زخمی ہونے والے 58 سالہ سید جواد حیدر زیدی کو طبی امداد کے لیے اسپتال منتقل کردیا گیا اور اُن کی حالت خطرے سے باہر ہے۔ ڈاکٹرز کے مطابق جواد حیدر کی ران پر گولی لگی ہے۔
اس حوالے سے پولیس نے علاقے میں نصب کلوز سرکٹ کیمروں کی فوٹیجز حاصل کرنے کی کوششیں شروع کردیں تاکہ واردات میں ملوث ڈاکوؤں کی شناخت میں مدد مل سکے۔
آئی جی سندھ رفعت مختار راجہ نے علامہ سید جواد حیدر زیدی کو ڈکیتی کے دوران مزاحمت پر فائرنگ کا نشانہ بنا کر زخمی کرنے کے واقعہ کا نوٹس لیتے ہوئے ڈی آئی جی ایسٹ کو واردات میں ملوث ملزمان کو گرفتار کرنے کی ہدایت جاری کردی ہیں۔