پریتی زنٹا کی ہمشکل امریکی اداکارہ کے چرچے
فوٹو : ویب ڈیسک
شاہ رخ خان، عمران ہاشمی، انیل کپور، رنبیر سنگھ اور لیجنڈری اداکار رجنی کانت کے ہمشکل کے بعد اب صارفین نے پریتی زنٹا کی ہمشکل بھی تلاش کرلی ہے۔
سماجی رابطے کی ویب سائٹ ایکس (سابق ٹوئٹر) پر "فلم اپڈیٹس" کے نام سے موجود تصدیق شدہ اکاوْنٹ نے معروف امریکی اداکارہ للی گلیڈسٹون کی تصویر پوسٹ کی۔
ایکس پر تصویر پوسٹ کرتے ہوئے "فلم اپڈیٹس" نے اعلان کیا کہ "فلم 'کِلرز آف دی فلاور مون' کی اداکارہ للی گلیڈسٹون کو 2024 کے اسپرٹ ایوارڈز کے لیے نامزد کیا گیا ہے"۔
دراصل، ایکس پر پوسٹ کی گئی تصویر میں بالی ووڈ اسٹار پریتی زنٹا سے امریکی اداکارہ للی گلیڈسٹون کی غیرمعمولی مماثلت نے مداحوں کو حیران و پریشان کیا۔