ریپڈرسپانس فورس کا گشت اسلام آباد کی شہری حد تک محدود

وزیراعظم کے ''کوئیک رسپانس فورس''قائم کرنے کے حکم کے 6 ماہ بعد بھی ریپڈرسپانس فورس کاباضابطہ گشت صرف اسلام آباد کی شہری حدودمیں شروع کیا جا سکا ۔


وزیر اعظم نوازشریف نے گزشتہ سال ستمبرمیں وزارت داخلہ کوحکم دیا تھاکہ وہ اسلام آباد میں عالمی معیارکے مطابق کوئیک رسپانس فورس قائم کریں جو24 گھنٹے اسلام آباد بھرمیں گشت کرے اور کسی بھی ناخوشگوارواقعے کی صورت میں5 منٹ کے اندرجائے وقوعہ پرپہنچ کرمتعلقہ پولیس کے پہنچنے تک حالات کوہینڈل کرے مگراس پرعملدرآمد کی رفتارنہایت ہی سست ہے جس کے باعث اسلام آباد میں دہشتگردی کے 4 واقعات بھی ہوگئے ہیں۔

اسی طرح نیکٹاکوبھی حکومت اپنے قیام کاایک سال سے زائدعرصہ گزرجانے کے باوجودمکمل متحرک وفعال بنانے میں ناکام رہی ہے ۔