ثنا اور شعیب ملک کی شادی پر پاکستانی مداح حیران بھارتی غصے سے آگ بگولا

شوبز انڈسٹری کی معروف اداکارہ ثنا جاوید اور قومی کرکٹ ٹیم کے سابق کپتان شعیب ملک کی شادی کی خبر نے جہاں پاکستانی مداحوں کو حیران کردیا ہے تو وہیں بھارتی صارفین شدید غصے میں نظر آرہے ہیں۔

20 جنوری یعنی آج صبح ثنا جاوید اور شعیب ملک نے سوشل میڈیا پر اپنی شادی کی تصاویر شیئر کرکے تہلکہ مچا دیا، یہ خبر جنگل میں آگ کی طرح پھیل گئی جبکہ سوشل میڈیا صارفین اچانک اس جوڑی کو دولہا دلہن کے لباس میں دیکھ کر حیران و پریشان ہوگئے۔

ان دونوں اسٹارز کی یہ دوسری شادی ہے، شعیب ملک نے پہلی شادی سال 2010 میں بھارتی ٹینس اسٹار ثانیہ مرزا سے کی تھی جبکہ ثنا جاوید نے پہلی شادی سال 2020 میں گلوکار عمیر جیسوال سے کی تھی۔

مزید پڑھیں: ثنا جاوید نے شعیب ملک سے شادی کے بعد نام بدل لیا

ثنا جاوید نے اپنی دوسری شادی پر بھی پہلی شادی کی طرح ہلکے رنگ کے عروسی لباس کا انتخاب کیا جبکہ شعیب ملک بھی اپنی دلہنیا کے لہنگے سے ملتی جلتی شیروانی میں نظر آئے۔

شعیب ملک اور ثنا جاوید کی شادی کی تصاویر جیسے ہی منظرِ عام پر آئیں تو سوشل میڈیا پر میمز کا رش لگ گیا۔

Sania Mirza congratulating Shoaib Malik and Sana Javed on their marriage

جہاں پاکستانی صارفین نے مزاحیہ اور دلچسپ میمز شیئر کیں تو وہیں بھارتی صارفین نے شعیب ملک پر کڑی تنقید کرتے ہوئے کہا کہ ثانیہ مرزا نے اپنے ملک کے خلاف جاکر شعیب ملک سے شادی کی اور اس شادی کا صلہ یہ ملا۔

Sania Mirza fought with system & whole country to get married to Shoaib Malik & see the results for trusting a Pakistani over India.

واضح رہے کہ بھارتی ٹینس اسٹار ثانیہ مرزا سے شعیب ملک کا ایک بیٹا اذہان مرزا ملک ہے جس کی پیدائش 2018 میں ہوئی تھی۔