لاہور کے علاقے اچھرہ میں گھر میں آگ لگنے سے 3 کمسن بہنیں جاں بحق
حادثے کے وقت بچیوں کی والدہ گھر کو تالا لگا کر کسی کام سے باہر گئی ہوئی تھی۔
پولیس نے جائے وقوعہ پر پہنچ کر واقعہ کی تحقیقات کا آغاز کر دیا ہے۔ فوٹو؛ آن لائن
اچھرہ میں ایک گھر میں شارٹ سرکٹ کے باعث لگنے والی آگ کے نتیجے میں 3 کمسن بچیاں جاں بحق ہو گئیں۔
ایکسپریس نیوز کے مطابق لاہور کے علاقے اچھرہ میں ریڑھی والا چوک کے قریب واقع سلیم نامی محنت کش کے گھر میں شارٹ سرکٹ کے باعث آگ لگ گئی، حادثے کے وقت گھر میں 3 کمسن بہنیں موجود تھیں اور ان کی والدہ گھر کو تالا لگا کر کسی کام سے باہر گئی ہوئی تھی جس کے نتیجے میں 2 بہنیں خدیجہ اور نور دم گھٹنے سے موقع پر ہی جاں بحق ہو گئیں جب کہ اہل علاقہ نے تیسری بچی عالیہ کو اپنی مدد آپ کے تحت تشویشناک حالت میں قریبی اسپتال منتقل کیا تاہم وہ بھی دوران علاج دم توڑ گئی۔
آگ کے نتیجے میں گھر کا فرنیچرز اور دیگر قیمتی سامان بھی جل کر خاکستر ہو گیا جب کہ پولیس نے جائے وقوعہ پر پہنچ کر واقعہ کی تحقیقات کا آغاز کر دیا ہے۔
ایکسپریس نیوز کے مطابق لاہور کے علاقے اچھرہ میں ریڑھی والا چوک کے قریب واقع سلیم نامی محنت کش کے گھر میں شارٹ سرکٹ کے باعث آگ لگ گئی، حادثے کے وقت گھر میں 3 کمسن بہنیں موجود تھیں اور ان کی والدہ گھر کو تالا لگا کر کسی کام سے باہر گئی ہوئی تھی جس کے نتیجے میں 2 بہنیں خدیجہ اور نور دم گھٹنے سے موقع پر ہی جاں بحق ہو گئیں جب کہ اہل علاقہ نے تیسری بچی عالیہ کو اپنی مدد آپ کے تحت تشویشناک حالت میں قریبی اسپتال منتقل کیا تاہم وہ بھی دوران علاج دم توڑ گئی۔
آگ کے نتیجے میں گھر کا فرنیچرز اور دیگر قیمتی سامان بھی جل کر خاکستر ہو گیا جب کہ پولیس نے جائے وقوعہ پر پہنچ کر واقعہ کی تحقیقات کا آغاز کر دیا ہے۔