علم ِفلکیات کی روشنی میں آپ کا یہ ہفتہ

برج حمل
سیارہ مریخ
21 مارچ تا20اپریل
اس ماہ کی اہم تاریخیں 6،7 اور8 فروری ہیں، جب چاند زہرہ اور مشتری سے نظر بنائے گا۔ ایسے وقت میں مالی فائدہ ہونے کی قوی امید ہے۔ آپ کا سیارہ مریخ شرف یعنی اعلٰی مقام پر موجود ہوگا۔ ایسے میں آپ کی عزت اور ذاتی تشخص میں اضافہ ہوگا۔ ممکن ہے کسی اعزاز سے بھی نوازا جائے۔

برج ثور
سیارہ زہرہ
21اپریل تا 20 مئی
تعلقِ مشتری، زہرہ و قمر آپ کے کسی پرانے رکے ہوئے یا تکلیف دہ معاملے کو کسی بزرگ کے تعاون سے حل ہونے کی خبر دیتا ہے۔ آپ کا پرانا الجھا ہوا مسئلہ حل ہوسکتا ہے۔ ایسے میں مالی مشکلات کے حل کا بھی امکان ہے۔ معدے اور کمر کا خیال رکھیں۔ کوئی اعصابی مسئلہ عارضی مشکل کا سبب بن سکتا ہے۔

برج جوزا
سیارہ عطارد
21مئی تا 21 جون
کوئی غیرمتوقع مالی فائدہ ہوسکتا ہے۔ بچوں کے حوالے سے کوئی پریشانی ہوسکتی ہے۔ اگرچہ امکان یہی ہے کہ وہ پریشانی دور ہوجائے گی لیکن اس سے بچوں کی بے راہ روی کا اندیشہ پیدا ہوسکتا ہے۔ حاملہ خواتین کو ایسے وقت میں اپنی روزمرہ مصروفیات میں کمی کرنی چاہیے۔

برج سرطان
سیارہ قمر
22جون تا 23 جولائی
ایک تناؤ کی سی کیفیت ہے۔ ازدواجی حوالے سے کچھ چیزیں آپ کا سکون درہم برہم کرسکتی ہیں۔ کسی پرانے دوست سے ملاقات ہوسکتی ہے۔ کسی محفل میں شرکت کا موقع مل سکتا ہے، جہاں ممکن ہے کسی پرانے دوست سے ملاقات ہوجائے۔ گھر اور ماں کے حوالے سے کچھ چیزیں فکرمند کرسکتی ہیں۔

برج اسد
سیارہ شمس
24جولائی تا 23 اگست
آپ کا ستارہ شمس برج دلو سے گزر رہا ہے۔ مخالف آپ پر حاوی ہوسکتے ہیں۔ کوشش کریں کہ ایسے وقت میں کوئی اہم فیصلہ نہ کریں۔ کچھ دن انتظار کرلیں، کیریئر اور کاروبار میں بہتری کی امید ہے۔ اس ہفتے مالی فائدہ ہوسکتا ہے۔

برج سنبلہ
سیارہ عطارد
24 اگست تا 23 ستمبر
نیا چاند آپ کے کام کاج کی جگہ طلوع ہونے جارہا ہے۔ ممکن ہے نئی ذمے داری سے آمنا سامنا ہوجائے۔ ایسے میں آپ کی تخلیقی صلاحیت اس میں اہم کردار ادا کرے گی۔ مشتری آپ کے نویں یعنی مقدر کے گھر میں ہے۔ بیرون ملک سے فائدہ ہوسکتا ہے۔ رومانی امور میں آپ کو کام یابی حاصل ہوگی۔


برج میزان
سیارہ زہرہ
24 ستمبر تا 23اکتوبر
آپ کا سیارہ ازدواجی سیارے کے ساتھ چوتھے گھر میں ہے۔ ایسے میں آپ کے اپنے ساتھی لے ساتھ اختلافِ رائے کا اندیشہ بڑھ جاتا ہے۔ آپ کی سوچ سمجھ بھی آپ کو درست راہ نہ دکھا پائے گی۔ کوئی نہ کوئی غلط فہمی اور ناسمجھی دوری بڑھا سکتی ہے۔ کچھ اختلافات کو خود ہی ختم کردیں، بجائے اس کے کہ ساتھی کا مزاج بگڑ جائے۔

برج عقرب
سیارہ پلوٹو
24 اکتوبر تا 22 نومبر
6،7 اور8 فروری کی تاریخیں بیرون ملک کے حوالے سے کی گئی کاوشوں کو کام یابی کے قریب کرسکتی ہیں۔ اچھی اطلاعات مل سکتی ہیں۔ یہاں زہرہ اور مریخ دونوں تیسرے خانے میں موجود ہیں۔ گویا آپ صنفِ مخالف کے ساتھ سفر کا ارادہ بنائے ہوئے ہیں۔

برج قوس
سیارہ مشتری
23 نومبرتا 22 دسمبر
آپ کی جیب میں تین سیارے اہم نظر بنانے جارہے ہیں، زہرہ، چاند اور مریخ۔ ایسے میں ان کے ساتھ مشتری کی سعادت بھی شامل ہورہی ہے۔ ایک بڑا مالی فائدہ ہوسکتا ہے۔ لاٹری نما کوئی فائدہ ہوسکتا ہے۔ اسی ہفتے سفر کا بھی امکان ہے۔ نیا چاند آپ کی سوچ اور سفر کو نئی راہوں سے آشنا کرنے آرہا ہے۔

برج جدی
سیارہ زحل
23 دسمبر تا 20 جنوری
آپ کے طالع میں سیارگان کا اجتماع آپ کے فکری تناؤ کو ظاہر کررہا ہے۔ کوئی مخالف آپ کی دردِسر کی وجہ بن سکتا ہے۔ ایسے میں آپ کے مالی نقصان کا اندیشہ پیدا ہورہا ہے۔ اپنے امور میں محتاط رہیں اور مالی لین دین میں ہرگز خطرہ مول نہ لیں، ورنہ لینے کے دینے پڑسکتے ہیں۔

برج دلو
سیارہ یورنیس
21 جنوری تا 19 فروری
چھوٹا بھائی یا بہن بیرون ملک جاسکتے ہیں۔ ایسے میں انہیں کسی مشکل اور پریشانی سے بھی دوچار ہونا پڑسکتا ہے۔ نیا چاند آپ کے طالع میں طلوع ہورہا ہے اور ایسے میں آپ کے طالع کے مالک یورنیس سے تربیع بنارہا ہے۔ صحت اور کام کے حوالے سے کچھ خرابیاں یا نئی الجھنیں آپ کو لاحق ہوسکتی ہیں، محتاط رہیں۔

برج حوت
سیارہ نیپچون
20 فروری تا 20 مارچ
آپ کے گیارھویں گھر میں سیاروں کا اکٹھا ہونا دوستوں سے فائدہ اور میل ملاقات کی خبر دے رہا ہے۔ نیا چاند آپ کی نیند اور بیرون ملک سے متعلق امور میں نئی سوچیں اور فکریں لاسکتا ہے۔ طالع میں زحل و نیپچون کا ہونا آپ کے اندر کے صوفی کو روحانیت کی جانب متوجہ رکھے گا۔