فلمسازی کیلیے اچھا وقت ہے جلد بازی نہیں کرنا چاہتا جاوید شیخ

سینئر ادکار جاوید شیخ نے کہا بہت کوششوں کے بعد ہم پاکستان کی فلم انڈسٹری کو ایک بار کامیابی کے سفر لے جانے میں کامیاب ہوگئے ہیں، اور یہ فلمسازی کے لیے بہترین وقت ہے مگر اس سلسلہ میں کوئی جلد بازی نہیں کرنا چاہتا۔

یہ بات انھوں نے ایک انٹرویو کے دوران کہی ۔جاوید شیخ کا کہناتھا کہ ٹی وی ڈرامے نے عوام کو نئی راہ دکھائی ہے، ٹیلی ویژن ڈراموں کی کامیابی کی سب سے بڑی وجہ اچھی کہانیاں اور عمدہ پروڈکشن ہے جس طرح ٹیلی ویژن انڈسٹری میں مقابلے کا رجحان ہے، اس طرح ہماری فلم انڈسٹری میں اسی رجحان کو تقویت دینے کی ضرورت ہی۔


جاوید شیخ کا کہنا تھا کہ ابھی ابتداء ابھی بہت سے چیلنج ہمارے سامنے ہیں کیونکہ اس وقت وہی کامیاب ہوگا جو عوام کے مزاج کے مطابق اچھے موضوعات کے ساتھ فلم بنائے گا۔ ایک سوال کے جواب میں انھوں نے کہا یہ فلم بنانے کے لیے اچھا وقت ہے لیکن میں جلد بازی میں کوئی فیصلہ نہیں کرنا چاہتا جلد اپنی نئی فلم شروع کروں گا جس کی تیاریاں مکمل ہوچکی ہیں۔