ضلع خیبر سیکورٹی فورسز کے آپریشن میں 4 دہشت گرد ہلاک

ضلع خیبر میں سیکورٹی فورسز کے آپریشن میں 4 دہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کے مطابق پاک فوج نے ضلع خیبر میں دہشت گردوں کی موجودگی کی خفیہ اطلاعات پر آپریشن کیا۔

اس دوران فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں 4 دہشت گرد ہلاک ہوگئے۔


مارے گئے ملزمان میں دہشت گرد سرغنہ قاری واجد عرف قاری بریال اور رازق شامل ہیں۔

آپریشن کے دوران دہشت گردوں کے ٹھکانے کو تباہ کر دیا گیا اور بھاری مقدار میں اسلحہ، گولہ بارود اور دھماکہ خیز مواد برآمد کر لیا گیا۔

آئی ایس پی آر کا کہنا ہے کہ علاقے میں مزید دہشت گردوں کی تلاش کے لیے سرچ آپریشن کیا جا رہا ہے۔