10ماہ میں تجارتی خسارے میں 1655 فیصد کمی ریکارڈ

رواں مالی سال کے پہلے10ماہ کے دوران ملکی تجارتی خسارہ میں سالانہ بنیادوں پر 16.55فیصد کمی ریکارڈ کی گئی۔

ادارہ شماریات کے جاری اعدادوشمار کے مطابق جولائی سے اپریل تک ملکی برآمدات میں سالانہ بنیادوں پر9.10 فیصد اضافہ اور درآمدات میں 3.83 فیصد کمی ہوئی، تجارتی خسارہ 19.63ارب ڈالر ریکارڈ کیا گیا جوکہ گزشتہ سال کی اسی مدت کے 23.53 ارب ڈالر کے تجارتی خسارے کے مقابلہ میں 16.55 فیصد کم ہے۔


اعدادوشمار کے مطابق پہلے10ماہ میں ملکی برآمدات کا مجموعی حجم 25.27 ارب ڈالر ریکارڈ کیا گیا جو گزشتہ مالی سال کی اسی مدت کی23.17 ارب ڈالر کی برآمدات کے مقابلہ میں 9.10 فیصد زائد ہے۔ اپریل میں برآمدات سے ملک کو 2.35 ارب ڈالر کا زرمبادلہ حاصل ہوا،جوکہ مارچ میں 2.56ارب ڈالر جبکہ گزشتہ سال اپریل میں 2.13 ارب ڈالر تھا۔

اعدادوشمار کے مطابق رواں سال کے پہلے 10 ماہ میں درآمدات پر44.91 ارب ڈالر خرچ ہوئے جوکہ گزشتہ مالی سال کی اسی مدت کے مقابلہ میں 3.83 فیصد کم ہے، گزشتہ مالی سال کی اسی مدت میں درآمدات پر 46.70 ارب ڈالر خرچ ہوئے تھے۔