اسپیکر قومی اسمبلی کا انتخابی اصلاحات کیلئے 32 رکنی کمیٹی قائم کرنے کا فیصلہ
کمیٹی میں مسلم لیگ (ن) کے7، پیپلزپارٹی 4، ایم کیو ایم اور تحریک انصاف کے 3،3 اوردیگرجماعتوں کا ایک ایک رکن شامل ہوگا
اسپیکر ایاز صادق نے انتخابی اصلاحاتی کمیٹی کے لئے تمام جماعتوں سے ارکان کے نام مانگ لئے۔ فوٹو: فائل
KARACHI:
قومی اسمبلی اور سینیٹ ارکان پر مشتمل کمیٹی میں مسلم لیگ (ن ) کے 7، پیپلزپارٹی کے 4، ایم کیو ایم اور تحریک انصاف کے 3، 3، جمعیت علما اسلام (ف)، مسلم لیگ (ق) اور دیگر جماعتوں کا ایک ایک نمائندہ شامل ہوگا۔ اسپیکر ایاز صادق نے انتخابی اصلاحاتی کمیٹی کے لئے تمام جماعتوں سے ارکان کے نام بھی مانگ لئے۔
اسپیکر قومی اسمبلی ایاز صادق نے انتخابی اصلاحات کے لئے 32 رکنی کمیٹی قائم کرنے کا فیصلہ کیا ہے جس میں تمام سیاسی جماعتوں کے نمائندے شامل کئے جائیں گے۔
ایکسپریس نیوز کے مطابق اسلام آباد میں اسپیکر ایاز صادق کی زیر صدارت انتخابی اصلاحات سے متعلق مشاورتی اجلاس منعقد ہوا جس میں فیصلہ کیا گیا کہ انتخابی اصلاحات کے لئے تمام جماعتوں کے ارکان پر مشتمل 32 رکنی پارلیمانی کمیٹی قائم کی جائے گی جو 3 ماہ میں انتخابی اصلاحات سے متعلق اپنی رپورٹ پیش کرے گی۔
قومی اسمبلی اور سینیٹ ارکان پر مشتمل کمیٹی میں مسلم لیگ (ن ) کے 7، پیپلزپارٹی کے 4، ایم کیو ایم اور تحریک انصاف کے 3، 3، جمعیت علما اسلام (ف)، مسلم لیگ (ق) اور دیگر جماعتوں کا ایک ایک نمائندہ شامل ہوگا۔ اسپیکر ایاز صادق نے انتخابی اصلاحاتی کمیٹی کے لئے تمام جماعتوں سے ارکان کے نام بھی مانگ لئے۔