فلم ’برفی‘ کو آسکرایوارڈزمیں بھیجےجانےکااعلان

بالی ووڈ کی فلم 'برفی' کوآسکر ایوارڈز میں بہترین غیر ملکی فلم کی کیٹیگری میں بھیجنے کا اعلان کیا گیا ہے۔

بالی ووڈ کی نئی پیشکش 'برفی' نے اب تک باکس آفس پر 53 کروڑ روپے کمالیے ہیں۔ فلم میں رنبیرکپوراور پریانکا چوپڑا کی اداکاری کو کافی سراہا جارہا ہے۔ 'برفی' نے رنبیرکپورکی پچھلی تمام فلموں میں کمائے گئے منافع کا ریکارڈ بھی توڑ دیا ہے۔

اس سے قبل رنبیرکپور کی فلم 'راجنیتی' نے ایک ہفتے میں 2.1 ملین ڈالر کمائے تھے اور 'راک اسٹار' نے 1.65 ملین ڈالر، لیکن 'برفی' نے ایک ہفتے میں 2.25 ڈالرکما لیے ہیں۔

دوسری طرف فلم کو ہالی ووڈ کے آسکرایوارڈز کی دوڑ میں بہترین غیرملکی فلم کی کیٹیگری میں بھیجنے کا بھی اعلان کیا گیا ہے۔ اس سے قبل عامرخان کی فلم'لگان' ، 'رنگ دے بسنتی' اور 'تارے زمین پر'کو آسکر ایوارڈز میں شامل کیا گیا تھا۔