سرمایہ کاری کے فروغ کیلیے ایس آئی ایف سی کی کابینہ کمیٹی تشکیل آرمی چیف بھی شامل
وزیر اعظم نے کمیٹی تشکیل دے دی، آرمی چیف، صوبائی وزرائے اعلیٰ اسپیشل انوی ٹیشن کے ذریعے کمیٹی کے ارکان ہوں گے
12 ارکان پر مشتمل کمیٹی کی صدارت وزیراعظم خود کریں گے (فوٹو: فائل)
وزیراعظم نے ملک میں سرمایہ کاری کے فروغ کے لیے کابینہ کمیٹی برائے ایس آئی ایف سی تشکیل دے دی۔
ایکسپریس نیوز کے مطابق وزیراعظم میاں محمد شہباز شریف نے خصوصی سرمایہ کاری سہولت کونسل (ایس آئی ایف سی) کی کابینہ کمیٹی تشکیل دے دی ہے، جس کی صدارت وزیراعظم خود کریں گے۔
کابینہ کمیٹی 12 ارکان پر مشتمل ہوگی جب کہ آرمی چیف، صوبائی وزرائے اعلیٰ بھی اسپیشل انوی ٹیشن کے ذریعے کمیٹی کے ارکان ہوں گے۔