- وزیراعظم پی آئی اے کی جلد نجکاری چاہتے ہیں مزید تاخیر نہ کی جائے، علیم خان
- ایشین 15 ریڈ ٹیم اسنوکرچیمپئن شپ، پاکستان نے بھارت کو 0-3 سےشکست دے دی
- پیٹرولیم مصنوعات پر ٹیکس کے خلاف جمعے کو ملک بھر میں 13 ہزار پیٹرول پمپس بند رہیں گے
- برازیل؛ ’فیسٹول آف دی نیشنز‘ کی تقریب میں پاکستانی ثقافت کی بہاریں
- الیکشن ایکٹ ترمیمی بل 2024 سینیٹ سے منظور، اپوزیشن کا شدید احتجاج
- غزہ میں 10 میں سے 9 فلسطینی بے گھر ہیں؛ اقوام متحدہ کی جنگ بندی کی اپیل
- ایک ہفتے میں زرمبادلہ کے سرکاری ذخائر میں 49 کروڑ 40 لاکھ ڈالر کا اضافہ
- خیبرپختونخوا حکومت کا یکم محرم کو عام تعطیل کا اعلان
- آپریشن عزم استحکام پر حکومت کا آل پارٹیز کانفرنس بلانے کا فیصلہ
- بھارت کے 10 بڑے شہروں میں 7 فیصد اموات فضائی آلودگی سے ہوتی ہیں؛ رپورٹ
- ڈکیتی کی نیت کرنے والے تین ملزمان کو پنجاب پولیس نے دھر لیا
- انٹربینک میں ڈالر مہنگا، اوپن مارکیٹ میں قدر گرگئی
- اڈیالہ جیل انتظامیہ نے پی ٹی آئی کے دو گروپس کو عمران خان سے ملنے سے روک دیا
- اعتراف کرتا ہوں بجلی مہنگی ہے، ڈالرمستحکم رہا تو جنوری میں بجلی سستی ہوگی، اویس لغاری
- پیسکو افسر پر تشدد، ضمانت خارج ہوتے ہی بلدیاتی ناظمین عدالت سے رفو چکر
- گندم کی مصنوعات پرٹیکس عائد ہونے سے آٹا 7 روپے فی کلو مہنگا ہوجائے گا
- امریکا؛ جنگی ہتھیار اور گولہ بارود بنانے والی فیکٹری دھماکوں سے لرز اُٹھی
- ایف بی آرنے مزید 27 افسران کو او ایس ڈی بناکر ایڈمن پول میں تعینات کردیا
- معیشت کو جدید خطوط پر استوار کرنے کیلئے مل کر کام کرنا ہوگا، احسن اقبال
- فرینکنسٹائن کا پہلا ایڈیشن 23 کروڑ سے زیادہ قیمت میں نیلام
اسٹاک ایکسچینج میں تیزی؛ حصص کی مالیت میں 84 ارب سے زائد کا اضافہ
کراچی: پاکستان اسٹاک ایکسچینج میں منگل کے روز تیزی کا رجحان رہا، جس کے نتیجے میں حصص کی مالیت میں 84 ارب روپے سے زائد کا اضافہ ہوگیا۔
مہنگائی پر مبنی بجٹ کے باوجود غیرملکیوں کی کمرشل بینکوں، فرٹیلائزر، آئل اینڈ گیس سیکٹر میں انویسٹمنٹس برقرار رہنے کے باعث پاکستان اسٹاک ایکس چینج میں کاروباری ہفتے کے دوسرے روز بھی تیزی رہی، جس سے انڈیکس کی 79000پوائنٹس کی نفسیاتی سطح بحال ہوگئی۔
مارکیٹ میں تیزی کے سبب 57فیصد حصص کی قیمتیں بڑھ گئیں جب کہ حصص کی مالیت میں مزید 84ارب 54کروڑ 64لاکھ 45ہزار 119روپے کا اضافہ ہوگیا۔
ماہرین کا کہنا ہے کہ بجٹ میں کیپٹل مارکیٹ پر کوئی نیا ٹیکس عائد نہ ہونے سے انویسٹرز دلچسپی لے رہے ہیں اور اب سرمایہ کار نئے قرض پروگرام سے متعلق آئی ایم ایف کے گرین سگنل کا انتظار کر رہے ہیں۔ یہی وجہ ہے کہ کاروبار کے تمام دورانیے میں مارکیٹ مثبت زون میں رہی اور ایک موقع پر 916پوائنٹس کی تیزی بھی ہوئی لیکن اس دوران وقفے وقفے سے پرافٹ ٹیکنگ کے سبب اتارچڑھاو بھی دیکھا گیا اور نتیجتاً کاروبار کے اختتام پر کے ایس ای 100 انڈیکس 728.55 پوائنٹس کے اضافے سے 79552.88 پوائنٹس کی سطح پر بند ہوا۔
کے ایس ای 30 انڈیکس 214.29پوائنٹس کے اضافے سے 25583.56پوائنٹس، کے ایم آئی 30 انڈیکس 642.91پوائنٹس کے اضافے سے 127364.51پوائنٹس اور کے ایم آئی آل شئیر انڈیکس 187.67پوائنٹس کے اضافے سے 35050.18پوائنٹس پر بند ہوا۔ اس دوران کاروباری حجم گزشتہ روز (پیر) کی نسبت 35فیصد زائد رہا اور مجموعی طور پر 41کروڑ 31لاکھ 53ہزار 249 حصص کے سودے ہوئے جب کہ کاروباری سرگرمیوں کا دائرہ کار 431 کمپنیوں کے حصص تک محدود رہا جن میں 246 کے بھاؤ میں اضافہ 128 کے داموں میں کمی اور 57 کی قیمتوں میں استحکام رہا۔
جن کمپنیوں کے حصص کی قیمتوں میں نمایاں اضافہ ہوا، ان میں فلپس موریس پاکستان کے بھاؤ 50.28روپے بڑھ کر 608.91روپے اور داتا ایگرو لمیٹڈ کے بھاؤ 24.07روپے بڑھ کر 291.52روپے ہوگئے جب کہ سفائر فائبرز لمیٹڈ کے بھاؤ 123.80روپے گھٹ کر 1466.20روپے اور نیسلے پاکستان کے بھاؤ 69.95روپے گھٹ کر 6931روپے ہوگئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔