گوجرانولہ طالبات کی فحش ویڈیوز کے وائرل ہونے پر وین ڈرائیور گرفتار

طالبات کی فحش ویڈیوز کے وائرل ہونے کے معاملے میں پولیس نے وین ڈرائیور کو گرفتار کرلیا ساتھ ہی ویڈیوز وائرل کرنے والے دو ملزم بھی گرفتار کرلیے گئے۔

ایکسپریس نیوز کے مطابق گوجرانوالہ میں وین کے اندر طالبات کی فحش ویڈیوز سامنے آئی ہیں جس پر پولیس نے سب انسپکٹر کی مدعیت میں مقدمہ درج کرکے ملزم وین ڈرائیور کو گرفتار کرلیا۔


پولیس کے مطابق وین ڈرائیور شہباز نے طالبات کی فحش ویڈیوز بنائیں، ویڈیوز شہباز کی بیوی صباء، برہان، عثمان، احسن، ناصر، عاقب اور حمزہ نے وائرل کیں، ملزم کے موبائل سے ویڈیوز بھی برآمد ہوئیں۔

پولیس کے مطابق ملزمان کے خلاف الیکٹرانک کرائم ایکٹ اور جنسی زیادتی کے تحت مقدمہ درج کیا گیا ہے، دو ملزمان گرفتار ہیں بقیہ کی گرفتاری کے لیے چھاپے مارے جارہے ہیں۔