- پشاور: بیٹے کو بچاتے ہوئے باپ کیبل لفٹ سے دریا میں گر کر جاں بحق
- پی ٹی آئی نےہمیشہ لاشوں پر سیاست کی، وفاقی وزیر اطلاعات
- قتل کے الزام میں 43 سال بے گناہ قید کاٹنے والی امریکی خاتون رہا
- خیبرپختونخوا کے حالات اچھے نہیں، وزیراعلیٰ خود دہشت گردوں کو بھتہ دے رہا ہے، گورنر
- انٹر بینک مارکیٹ میں ڈالر کی محدود اڑان کا تسلسل برقرار
- کے پی اسمبلی میں مراد سعید کو تمغہ شجاعت دینے کی قرارداد منظور
- سائنس دانوں نے نئی قسم کی لچکدار بیٹری ایجاد کرلی
- کے الیکٹرک کا لائسنس منسوخ کرنے کے لیے سندھ اسمبلی میں قرارداد جمع
- ٹی ٹی پی نے سرکاری اسکولوں پر حملوں کی حکمت عملی پر عمل درآمد شروع کردیا
- آئی پی پیز کے پاور ٹیرف میں 25روپے یونٹ کمی کی جائے، کنزیومر ایسوسی ایشن
- مسلم لیگ ن کی حمزہ شہباز کو لانچ کرنے کی تیاری، وفاق میں اہم عہدہ ملنے کا امکان
- بجلی کا بل زیادہ آنے پر بڑے بھائی کے ہاتھوں چھوٹا بھائی قتل
- گدھے کا گوشت چین بھیجنے کیلیے گوادر میں سلاٹر ہاؤس کی تعمیر جاری، وزیراعظم کو بریفنگ
- اسرائیل کے فوجی ٹینکوں کی مغربی کنارے پر چڑھائی؛ 5 فلسطینی شہید
- ریلوے کا خیبر میل کیساتھ جدید سہولیات سے آراستہ ڈائینگ کار لگانے کا فیصلہ
- کراچی میں میاں بیوی کے قتل کا فیصلہ جرگے میں ہونے کا انکشاف
- کازوے ندی میں کچرا کنڈی سے خاتون اور بچی کی تشدد زدہ لاشیں ملیں
- لاہور: سکھ شہری کے دواخانے میں دورانِ ڈکیتی فائرنگ سے ڈاکو ہلاک
- شاہینز رواں برس کتنے میچز کب اور کس کیخلاف کھیلیں گے؟
- کراچی کے ساحل پر 3 افراد ڈوب کر جاں بحق
آئی ایم ایف کی شرط پر بڑے زمینداروں پر بھی ٹیکس لگے گا، آصف زرداری
![(فوٹو : فائل)](https://c.express.pk/2024/07/2664904-asifzardari-1720530761-680-640x480.jpg)
(فوٹو : فائل)
لاہور: صدر مملکت آصف علی زرداری نے کہا ہے کہ ملک کیلیے صرف پیسے نہیں بلکہ چیزیں بھی اہم ہوتی ہیں، آئی ایم ایف کی شرط پر بڑے زمینداروں پر بھی انکم ٹیکس لگے گا۔
ایکسپریس نیوز کے مطابق پاکستان کے نامور صحافی وارث میر کی یاد میں لاہور الحمرہ آرٹ کونسل میں سیمینار کا انعقاد کیا گیا جس کے مہمان خصوصی صدر مملکت آصف علی زرداری تھے۔ تقریب میں سینئر صحافی سہیل وڑائچ، حسن مرتضیٰ، حامد میر، فیصل میر سمیت راجہ پرویز اشرف، رضا ربانی اور پیپلز پارٹی کی دیگر قیادت نے شرکت کی۔ تقریب میں بڑی تعداد میں صحافی، ادیب، سیاست دان اور سول سوسائٹی کے ارکان بھی شریک ہوئے۔
وارث میر فاؤنڈیشن کے زیر اہتمام اس سیمینار سے خطاب میں صدر مملکت آصف علی زرداری نے کہا کہ زندگی میں ہر کسی پر آزمائش آتی ہے اور ہر آزمائش کا سامنا کرنا ہے، میں ٹی وی نہیں دیکھتا ٹی وی میں میری غیبت ہوتی ہے جسے اپنے لیے ثواب سمجھتا ہوں، جتنی تنقید مجھ پر ہوئی کسی اور پر نہیں ہوئی۔
صدر آصف زرداری نے کہا کہ میں آزادی صحافت کے ساتھ ہوں، ہمارا ایمان ہے جانا اس دن ہے جب مولا کو لے جانا ہے، آج سوشل میڈیا کا دور ہے ہر بات دنیا کے سامنے رکھ سکتے ہیں تاہم سوشل میڈیا میں بھی گروپنگ نظر آتی ہے اور کوئی مشترکہ آواز نہیں اٹھائی جاتی۔
صدر مملکت نے کہا کہ ایگروفارم، ایگرو انڈسٹری سے ملک کا بڑا مستقبل وابستہ ہے مگر کچھ دوستوں کو یہ بات سمجھ نہیں آتی، ہم اس پر کام کریں گے کیونکہ ملک کیلیے صرف پیسوں کی نہیں بلکہ چیزوں کی بھی اہمیت ہوتی ہے۔ انہوں نے مزید کہا کہ آئی ایم ایف کی شرط پر بڑے زمینداروں پر بھی انکم ٹیکس لگے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔