- دنیا کی قدیم ترین لپ اسٹک کس رنگ کی تھی؟
- جنگلی حیتیات میں کورونا وائرس کی موجودگی کا انکشاف
- اضافی چینی انسانی خلیات کو ’بوڑھا‘ کردیتی ہے
- ایران؛ فلسطینی مزاحمتی تنظیم حماس کے سربراہ اسماعیل ہنیہ قاتلانہ حملے میں شہید
- رافیل نڈال کیریئر کا فیصلہ پیرس اولمپکس کے بعد کریں گے
- انگلینڈ، تین بچیوں کی ہلاکت، مسجد کے باہر سفید فام انتہا پسندوں کی پولیس کے ساتھ جھڑپیں
- سرفرازجیسی کپتانی پسند ہے، بہت کچھ سیکھنے کا موقع ملا، سعد بیگ
- پیرس اولمپکس، ناکامی کے باوجود پاکستانی سوئمرزکے بلند حوصلے
- بھارت کو ایشیا کپ میں پاکستانی بائیکاٹ کا خدشہ
- رات کے اندھیرے میں لاہور کے متعدد تھانوں کے ایس ایچ اوز تبدیل
- اسرائیل کا فضائی حملے میں حزب اللہ کے سینئر کمانڈر کو ہلاک کرنے کا دعویٰ
- وزیر داخلہ بلوچستان کی گوادر میں آل پارٹیز کے رہنماؤں سے ملاقات
- جعلی دستاویزات پر نان کسٹمز پیڈ لگژری گاڑیوں کی رجسٹریشن کا انکشاف
- سات ماہ کی حاملہ مصری ایتھلیٹ بھی پیرس اولمپکس میں شریک
- تیسرے اور آخری ٹی 20 میں بھارت نے سری لنکا کو سپر اوور میں شکست دے دی
- اسرائیل-حزب اللہ کشیدگی روکنے کیلئے سفارتکاری جاری رکھیں گے، امریکا
- بوڑھے والد پر تشدد کرکے گھر سے نکالنے والا ناخلف بیٹا گرفتار
- ایران کے نئے صدر مسعود پزشکیان نے حلف اٹھالیا
- بنگلا دیش میں جماعت اسلامی پر پابندی لگانے کا فیصلہ
- عمرکوٹ؛ تیز رفتار جیپ نے سڑک کنارے کھڑے دو بھائیوں کو کچل دیا
جماعت اسلامی کا ڈی چوک میں دھرنا مؤخر، 26 جولائی کو کرنے کا فیصلہ
لاہور: جماعت اسلامی نے کل ڈی چوک اسلام آباد میں ہونے والا دھرنا مؤخر کردیا۔
ذرائع کے مطابق وفاقی وزیر داخلہ محسن نقوی نے جماعت اسلامی قیادت سے رابطہ کرکے دھرنا مؤخر کرنے کی درخواست کی جس پر جماعت اسلامی نے کل 12 جولائی کا دھرنا مؤخر کردیا۔
امیر جماعت اسلامی حافظ نعیم الرحمن نے منصورہ لاہور میں پریس کانفرنس کرتے ہوئے کہا کہ ایام عاشورہ کی وجہ سے دھرنے کی تاریخ تبدیل کی ہے، دھرنا اب 26 جولائی کو اسلام آباد میں ہوگا، کل 12 جولائی کو ملک بھر میں تمام شہروں میں احتجاج ہوگا اور کیمپ لگیں گے، 14 کو مختلف شہروں میں دھرنے ہوں گے، 24 جولائی کو مختلف شہروں سے قافلے اسلام آباد کی طرف روانہ ہوں گے۔
انہوں نے کہا کہ بجلی کے بلز نے پاکستان کو ہلا کر رکھ دیا ہے، متوسط طبقے سمیت تاجر بھی پریشان ہیں، حکومت نے کسی کو بھی نہیں چھوڑا، آنے والے دنوں میں بدترین حالات دیکھ رہے ہیں، کمرشل صارفین کی 8 روپے فی یونٹ بجلی مہنگی کردی گئی ہے، اس طرح کیسے معاشی بہتری آئے گی، رہائشی علاقوں میں بھی ریلیف نہیں مل رہا۔
ان کا کہنا تھا کہ پی ڈی ایم حکومت نے ریلیف کا اعلان کیا تھا لیکن آئی ایم ایف نے منع کردیا، حکومت کے کسی اعلان کی کوئی اہمیت نہیں رہی، ان کے کان پر جوں تک نہیں رینگتی، حکمراں کہتے ہیں سخت فیصلے کرنے ہیں لیکن انہوں نے اپنے بجٹ میں 25 فیصد انتظامی اخراجات بڑھادیے، قوم سوال کرتی ہے کہ اپنے اخراجات یہ کیوں کم نہیں کرتے، روزانہ 56 ارب روپے قرض لیا جارہا ہے، قوم نے کیپسٹی چارجز کے نام پر 42 ارب ڈالر آئی پی پیز کو ادا کیے، زرداری اور بھٹو فیملی نے اپنی جاگیروں پر کتنا ٹیکس دیا ہے سامنے لائیں۔
حافظ نعیم نے مزید کہا کہ تمام اضلاع میں ہمارے کارکن موجود ہیں محرم الحرام کا موقع ہے، علما اکرام نے ہم سے رابطہ کیا اور گزارش کی عاشورہ کے بعد اس دھرنے کو رکھ لیا جائے، امن امان کی صورتحال کو دیکھ کر ہم نے اپنا اجلاس بلایا اور اس بات پر اتفاق کیا کہ دھرنے کو عاشورہ سے آگے لے جائیں، دھرنا پہلے سے زیادہ تیاری کے ساتھ اور بھرپور طریقے سے ہوگا، جماعت اسلامی پیچھے ہٹنے والی نہیں ہے، ملک بھر سے پوری قوت کے ساتھ ایک ہی دن دھرنا شروع ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔