بھارت میں پوجا پاٹ سے واپسی پر ہندو یاتریوں کی گاڑی کنویں میں جاگری7 ہلاک
3 افراد زخمی ہیں جنھیں اسپتال منتقل کردیا گیا
گاڑی کے کنویں میں گرنے سے 7 ہندو یاتری ہلاک اور 3 زخمی ہوگئے، فوٹو: فائل
بھارتی ریاست مہاراشٹرا میں مسافر بردار سڑک پر الٹ کر بل کھاتی ہوئی ایک قریبی کنویں میں غرقاب ہوگئی جس کےنتیجے میں 7 مسافر ڈوب کر ہلاک ہوگئے۔
عالمی خبر رساں ادارے کے مطابق سامنے سے آنے والی تیز رفتار موٹرسائیکل کو بچانے کی کوشش میں گاڑی سڑک پر الٹ کر کنویں میں جا گری تھی۔
گاڑی میں سوار 7 ہندو یاتری حادثے میں ہلاک ہوگئے جب کہ 3 افراد شدید زخمی ہیں جنھیں قریبی اسپتال منتقل کردیا گیا۔ ایک زخمی کی حالت نازک بتائی جا رہی ہے۔
پولیس کا کہنا ہے کہ زخمی مسافر گاڑی کے کنویں میں غرقاب ہونے سے قبل گاڑی سے نکلنے میں کامیاب ہوگئے تھے۔
گاڑی کو کرین کی مدد سے نکالا گیا جب کہ غوطہ خوروں نے لاشوں کو بھی نکال لیا۔