اسامہ بن لادن ہیرونہیں پاکستان کا دشمن تھا حناربانی کھر

وزیرخارجہ حناربانی کھر نے کہا ہے کہ اسامہ بن لادن ہیرونہیں بلکہ پاکستان کا دشمن تھا۔

امریکی تھنک ٹینک کونسل سے خطاب کے دوران حناربانی کھر نے کہا کہ ڈاکٹرشکیل آفریدی کوپاکستان اورامریکا کے خلاف استعمال کیا گیا۔ انہوں نے کہا کہ پاکستان میں کئے جانے والے ڈرون حملے بین الاقوامی قوانین کی خلاف ورزی ہے اورحکومت پاکستان اس کی مذمت کرتی ہے۔


انہوں نے کہا کہ پاکستان خطے میں پرامن اورمستحکم افغانستان چاہتا ہے کیوں کہ ہمارے لئے کابل واشنگٹن یا لندن سے زیادہ اہم ہے۔

وزیرخارجہ نے کہا کہ پاکستان نے دہشت گردی کے خلاف جنگ میں ناقابل بیان قربانیاں دیں اور 10 سالوں میں دہشت گروں کی جانب سے کئے گئے حملوں میں 40000 معصوم شہری جاں بحق ہوئے۔