روحانی دوست

علم الاعداد کی روشنی میں آپ کا یہ ہفتہ

علم الاعداد کی روشنی میں آپ کا یہ ہفتہ

صائم المصطفے صائم
واٹس اپ (0333-8818706)
فیس بک (Saim Almustafa Saim)

علمِ الاعداد سے نمبر معلوم کرنے کا طریقہ:
دو طریقے ہیں اور دونوں طریقوں کے نمبر اہم ہیں۔
اول تاریخ پیدائش دوم نام سے!
اول طریقہ تاریخ پیدائش:
مثلاً احسن کی تاریخ پیدائش 12۔7۔1990 ہے۔
ان تمام اعداد کو مفرد کیجیے، یعنی باہم جمع کیجیے:
1+2+7+1+9+9=29
29 کو بھی باہم جمع کریں (2+9) تو جواب 11 آئے گا۔
11 کو مزید باہم جمع کریں (1+1)
تو جواب 2 آیا یعنی اس وقت تک اعداد کو باہم جمع کرنا ہے جب تک حاصل شدہ عدد مفرد نہ نکل آئے۔ پس یعنی آپ کا لائف پاتھ عدد/نمبر ہے۔
گویا تاریخ پیدائش سے احسن کا نمبر 2 نکلا۔
اور طریقہ دوم میں:
سائل، سائل کی والدہ، اور سائل کے والد ان کے ناموں کے اعداد کو مفرد کیجیے
مثلاً نام ''احسن '' والدہ کا نام '' شمسہ'' والد کا نام '' راشد۔''
حروفِ ابجد کے نمبرز کی ترتیب یوں ہے:
1 کے حروف (ا،ء ،ی،ق،غ) ، 2 کے حروف (ب،ک،ر) ، 3 کے حروف (ج،ل،ش) ، 4 کے حروف (د،م،ت) ، 5 کے حروف(ہ،ن،ث) ، 6 کے حروف (و،س،خ) ، 7 کے حروف (ز،ع،ذ) ، 8 کے حروف (ح،ف،ض) ، 9 کے حروف (ط،ص،ظ) ، احسن کے نمبر (1،8،6،5)
تمام نمبروں کو مفرد کردیں:(1+8+6+5=20=2+0= 2 )
گویا احسن کا نمبر2 ہے۔ایسے ہی احسن کی والدہ ''شمسہ'' کا نمبر9 اور والد راشد کا نمبر1 بنتا ہے۔
اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا:
(2+9+1=12=1+2=3)
گویا علم جفر کے حساب سے احسن کے نام کا نمبر 3 نکلا!

علم الاعداد کی روشنی میں آپ کا یہ ہفتہ
پیر 22 تا 28 جولائی 2024
آج کا حاکم عدد 3 ہے۔ جذبات میں ابال سا محسوس ہوسکتا ہے۔ آگے بڑھنے کی ایک تحریک جو آپ کے لہو کو گرما سکتی ہے۔ اس گرمیٔ لہو سے فائدہ اٹھائیے۔ یہ ایک اچھا وقت ہے۔ ترقی کے خواہش مندوں کی امید پوری ہوسکتی ہے۔ کسی بزرگ شخص سے ملاقات بھی ہوسکتی ہے۔ آپ کی تاریخ پیدائش میں اگر 2،3،4،7،8،اور9خصوصاً 3 کا عدد یا پیدائش کا دن جمعرات ہے یا نام کا پہلا حرف ج،ل یا ش ہے تو آج کا دن آپ کے لیے بہتر دن ہوسکتا ہے۔ اگر آپ کی تاریخ پیدائش میں 1،5 اور6 خصوصاً 5 کا عدد یا پیدائش کا دن بدھ ہے یا نام کا پہلا حرف ہ،ن یا ث ہے تو آپ کے لیے یہ دن اہم اور کچھ مشکل بھی ہوسکتا ہے۔


صدقہ: 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِصدقہ دینا ایک بہتر عمل ہوگا۔ اسمِ اعظم ''یارحیم، یارحمٰن، یااللہ'' 11 بار یا 200 بار اول وآخر 11 بار درودشریف پڑھنا بہتر ہوگا۔

منگل 23 جولائی 2024
آج کا حاکم عدد 2 ہے۔ 2 کا عدد دل کی خواہشات کا نمائندہ ہے جب کہ منگل قوت اور توانائی کا، ہوسکتا ہے آپ جذبات کی رو میں بہہ کر جارحانہ رویہ اختیار کرلیں۔ ایسے وقت میں غصہ آپ کی سوجھ بوجھ کو متاثر کرسکتا ہے۔ اگر آپ کی تاریخ پیدائش میں 1،3،4،5،8اور9 خصوصاً 4 کا عدد ہے یا آپ کی پیدائش کا دن اتوار ہے یا نام کا پہلا حرف ت، د یا م ہے تو آپ کے لیے آج کا دن کافی حد تک بہتری لائے گا۔ لیکن اگر آپ کی تاریخ پیدائش میں 2،6 اور7 خصوصاً 6 یا پیدائش کا دن جمعہ ہے یا نام کا پہلا حرف و، س یا خ ہے تو آپ کے لیے کچھ مشکل ہوسکتی ہے۔

صدقہ: 90 یا 900 روپے، سرخ رنگ کی چیزیں ٹماٹر، کپڑا، گوشت یا سبزی کسی معذور سیکیوریٹی سے منسلک فرد یا اس کی فیملی کو دینا بہتر عمل ہوگا۔ وظیفۂ خاص ''یاغفار، یاستار، استغفراللہ العظیم'' 9 یا 90 بار اول وآخر11 بار درودشریف پڑھنا بہتر ہوگا۔

بدھ 24 جولائی 2024
آج کا حاکم عدد 8 ہے۔ خیالات میں ٹوٹ پھوٹ اسی وقت ہوتی ہے جب حالات جیسا ہم نے سوچا ہوتا ہے ویسے نہیں ہوتے۔ دوسرے الفاظ میں ہماری امیدوں میں رکاوٹ آتی ہے۔ ایسے وقت میں کسی سے بات کرتے ہوئے بلاوجہ مزاج کی برہمی توتو میں میں کروادیتی ہے۔ ایسا ہوسکتا ہے، تیزرفتاری سے گریز کریں۔ 2، 3، 4، 6،7 اور8 خصوصاً 7 کا عدد یا پیدائش کا دن پیر ہے یا نام کا پہلا حرف ز،ع یا ذ ہے تو آپ کے لیے آج کا دن کافی بہتر ہوسکتا ہے۔ اگر آپ کی تاریخ پیدائش میں 1،5 اور9 خصوصاً 5 یا پیدائش کا دن بدھ یا نام کا پہلا حرف ہ،ن یا ث ہے تو کچھ معاملات میں رکاوٹ اور پریشانی کا اندیشہ ہے۔

صدقہ: زرد رنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے، تایا، چچا، پھوپھی کی خدمت بھی صدقہ ہے۔ وظیفۂ خاص ''یاخبیرُ، یاوکیلُ، یااللہ'' 41 بار اول و آخر 11 بار درودشریف پڑھنا مناسب عمل ہوگا۔

جمعرات 25 جولائی 2024
آج کا حاکم عدد 7 ہے۔ مادّے کو ایک طرف رکھ دیجیے، آج روح کی آواز سنیے، جو نظر آتا ہے اسے نظر سے محو کیجیے اور جو کچھ دکھائی نہیں دیتا اسے تصور میں حقیقت کیجیے۔ آج کا دن آپ کی روح پر جمی گردوغبار اتارنے میں مدد دے سکتا ہے۔ وہ کیجیے جس سے آپ کی روح خوش ہوتی ہے۔ اگر آپ کی تاریخ پیدائش میں 3،4،5،7،8 اور9 خصوصاً 8 کا عدد یا پیدائش کا دن ہفتہ ہے یا نام کا پہلا حرف ح،ف یا ض ہے تو آپ کے لیے بہتر دن ہے۔ لیکن اگر آپ کی تاریخ پیدائش میں 1،6 اور2 خصوصاً 6 کا عدد یا پیدائش کا دن جمعہ ہے یا نام کا پہلا حرف و،س یا خ ہے تو اندیشہ ہے کہ کچھ امور میں آپ کو مشکل ہوسکتی ہے۔
صدقہ: میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے، مسجد کے پیش امام کی خدمت بھی احسن صدقہ ہے۔ وظیفۂ خاص ''سورۂ فاتحہ 7 بار یا یا قدوس، یاوھابُ، یااللّہ'' 21 بار اول و آخر 11 بار درودشریف پڑھنا بہتر عمل ہوگا۔

جمعہ 26 جولائی 2024
آج کا حاکم عدد 2 ہے۔ مالی امور کی انجام دہی فائدہ دے سکتی ہے۔ رشتوں سے سکون حاصل ہوگا۔ بس آپ کو کچھ معمولی باتوں کو نظرانداز کرنا ہے، درگزر کرنا ہے، خود پر قابو رکھنا ہے۔ ہوسکتا ہے آپ کو قطرہ دینا پڑے لیکن اگر آپ نے وہ قطرہ خوش دلی سے دیا تو دریا ملے گا۔ اگر آپ کی تاریخ پیدائش میں اگر آپ کی تاریخ پیدائش 1،3،4،5،8اور9 خصوصا 4 کا عدد یا پیدائش کا دن اتوار ہے یا نام کا پہلاحرف ت،د یا م ہے تو آپ کے لئے بہتری کی امید ہے۔ 2، 6 اور7 کا عدد خصوصاً 6 یا پیدائشی دن جمعہ یا جن کے نام کا پہلا حرف و،س یا خ ہے تو آپ کو محتاط رہنے کا مشورہ ہے۔

صدقہ: 60 یا 600 روپے یا 600 گرام یا 6 کلو چینی، سوجی یا کوئی جنس کسی بیوہ کو دینا بہترین عمل ہوسکتا ہے۔وظیفۂ خاص ''سورۂ کہف یا یاودود، یامعید، یااللّہ'' 11 بار ورد کرنا بہتر ہوگا۔

ہفتہ 27 جولائی 2024
آج کا حاکم عدد 5 ہے۔ ایسی منصوبہ بندی جو دیرپا نتائج لاتی ہو کرسکتے ہیں۔ جلدبازی سے گریز کریں، صبر سے کام لیجیے، زمین سے متعلق امور میں حالات میں کچھ نشیب وفراز آسکے ہیں۔ مستقل مزاجی اور تسلسل سے اپنا کام جاری رکھیں نتائج آپ کے حق میں ہوں گے۔ اگر آپ کی تاریخ پیدائش میں 1،2،5،6،7اور9 خصوصاً 1کا عدد یا پیدائشی دن اتوار یا نام کا پہلا حرف ا،ی یا غ ہے تو آپ کے لیے ایک اچھا دن ہوسکتا ہے۔ اگر آپ کی تاریخ پیدائش میں 3،4 اور 8 خصوصاً 8 کا عدد یا پیدائشی دن ہفتہ یا نام کا پہلا حرف ح،ف یا ض ہے تو آپ کو محتاط رہنے کا مشورہ ہے۔

صدقہ: 80 یا800 روپے یا کالے رنگ کی چیزیں کالے چنے، کالے رنگ کے کپڑے سرسوں کے تیل کے پراٹھے کسی معذور یا عمررسیدہ مستحق فرد کو دینا بہتر عمل ہوسکتا ہے۔ وظیفۂ خاص ''یافتاح، یاوھابُ، یارزاق، یااللّہ'' 80 بار اول و آخر 11 بار درودشریف کا ورد بہتر عمل ہوگا۔

اتوار 28جولائی 2024
آج کا حاکم نمبر 8 ہے۔ وہ افراد جو کسی بھی طرح سے انتظامی عہدوں پر ہیں، ان کو اپنے امور کی انجام دہی میں مشکلات کا سامنا ہوسکتا ہے۔ بزرگوں کی صحت کا خیال رکھیں۔ دل کے مریضوں کو احتیاط کی اشد ضرورت ہے۔ اگر آپ کی تاریخ پیدائش میں 2،3،4،6،7اور8 خصوصاً 7 کا عدد یا جن کا پیدائشی دن پیر ہے یا نام کا پہلا ز،ع یا ذ ہے تو آپ کے لیے ایک اچھے دن کی امید ہے۔لیکن اگر آپ کی تاریخ پیدائش میں 1،5اور9 خصوصا5 عدد یا جن کا پیدائشی دن بدھ ہے یا نام کا پہلا حرف ہ،ن یا ث ہے تو آپ کے لیے کچھ مشکل ہوسکتی ہے۔

صدقہ: 13 یا 100 روپے یا سنہری رنگ کی چیزیں گندم، پھل، کپڑے، کتابیں یا کسی باپ کی عمر کے فرد کی خدمت کرنا بہتر ہوگا۔وظیفۂ خاص ''یاحی، یاقیوم، یااللّہ'' 13 یا 100 بار اول و آخر 11 بار درودشریف پڑھنا مناسب عمل ہوگا۔
Load Next Story