شمالی وزیرستان میں سیکیورٹی فورسز کی گاڑی پرفائرنگ سے2اہلکار شہید ایک زخمی

میرعلی میں سیکیورٹی فورسز کی گاڑی پر نامعلوم دہشتگردوں کی فائرنگ سے 2 سیکیورٹی اہلکار شہید جبکہ ایک زخمی ہوگیا۔


شمالی وزیرستان کے علاقے میرعلی میں سیکیورٹی فورسز کی گاڑی معمول کے مطابق گشت کر رہی تھی کہ دہشت گردوں نے گاڑی پر فائرنگ کردی، جس کے نتیجے میں 2 سیکیورٹی اہلکار موقع پر ہی شہید جبکہ ایک زخمی ہوگیا۔ زخمی سیکیورٹی اہلکار کو طبی امداد کے لئے سی ایم ایچ بنوں منتقل کردیا گیا ہے۔

واضح رہے کہ سیکیورٹی فورسز نے شمالی وزیرستان میں دہشتگردوں کے خلاف ضرب عضب کے نام سے آپریشن شروع کررکھا ہے جس کے نتیجے میں اب تک 370 سےزائد دہشتگردوں کو ہلاک کیا جاچکا ہے۔