رینجرز اور پولیس کی مشترکہ کارروائی منشیات اسمگلنگ میں ملوث 2ملزمان گرفتار
ملزمان کے قبضے سے لاکھوں روپے مالیت کی منشیات برآمد کرلی
فوٹو : ایکسپریس نیوز
سندھ رینجرز اور پولیس نے دو مختلف مشترکہ کارروائیوں کے دوران 2 ملزمان کو گرفتار کرکے ان کے قبضے سے لاکھوں روپے مالیت کی منشیات برآمد کرلی۔
ترجمان کے مطابق سندھ رینجرز کی جانب سے منشیات فروشی اور اسمگلنگ کی روک تھام کے لیے اسنیپ چیکنگ اور آپریشن کا سلسلہ جاری ہے۔
سندھ رینجرز اور پولیس نے دو مختلف مشترکہ کارروائیوں کے دوران کراچی بلوچستان بارڈر پر واقع حب چیک پوسٹ سے ایک موٹر سائیکل سوار ملزم حضرت سعد سے 2 کلو اعلیٰ کوالٹی کی چرس برآمد کرلی جس کی مالیت تقریباً 20 لاکھ روپے ہے جبکہ دوسری کارروائی میں ایک کار سوار سے 1290 پیکٹ انڈین گٹکا برآمد کرلیا۔
ملزمان منشیات بلوچستان کے علاقے وِندر سے لاکر کراچی کے مختلف علاقوں میں فروخت کرتے تھے۔
کسٹم انٹیلی جنس اور قانون نافذ کرنے والے اداروں کے ہمراہ اسمگلنگ کے مکمل خاتمے تک مشترکہ آپریشن جاری رکھا جائے گا۔ گرفتار ملزمان کو بمعہ منشیات، موٹر سائیکل اور گاڑی مزید قانونی کارروائی کے لیے کسٹم اور پولیس حکام کے حوالے کر دیا گیا ہے۔
ترجمان کے مطابق سندھ رینجرز کی جانب سے منشیات فروشی اور اسمگلنگ کی روک تھام کے لیے اسنیپ چیکنگ اور آپریشن کا سلسلہ جاری ہے۔
سندھ رینجرز اور پولیس نے دو مختلف مشترکہ کارروائیوں کے دوران کراچی بلوچستان بارڈر پر واقع حب چیک پوسٹ سے ایک موٹر سائیکل سوار ملزم حضرت سعد سے 2 کلو اعلیٰ کوالٹی کی چرس برآمد کرلی جس کی مالیت تقریباً 20 لاکھ روپے ہے جبکہ دوسری کارروائی میں ایک کار سوار سے 1290 پیکٹ انڈین گٹکا برآمد کرلیا۔
ملزمان منشیات بلوچستان کے علاقے وِندر سے لاکر کراچی کے مختلف علاقوں میں فروخت کرتے تھے۔
کسٹم انٹیلی جنس اور قانون نافذ کرنے والے اداروں کے ہمراہ اسمگلنگ کے مکمل خاتمے تک مشترکہ آپریشن جاری رکھا جائے گا۔ گرفتار ملزمان کو بمعہ منشیات، موٹر سائیکل اور گاڑی مزید قانونی کارروائی کے لیے کسٹم اور پولیس حکام کے حوالے کر دیا گیا ہے۔