نصیر الدین شاہ کیساتھ اداکاری کرنا اعزاز ہے فیشن انڈسٹری نہیں چھوڑ سکتی آمنہ الیاس
فیشن انڈسٹری میری پہلی محبت ہے اورآج جو مقام اورشہرت میرے پاس ہے وہ سب فیشن انڈسٹری کی بدولت ہے، آمنہ الیاس
پاکستان فلم انڈسٹری کے نئے دورکاآغاز ہوچکا، نئے لوگ تجرباتی انداز سے فلمیں بنارہے ہیں، آمنہ الیاس۔فوٹو : فائل
AMSTERDAM:
پاکستان فیشن انڈسٹری کی سُپرماڈل آمنہ الیاس نے کہا ہے کہ فلم اورٹی وی ڈراموں میں منفرد کردار اداکررہی ہوں لیکن ان دونوں میڈیم میں کام کرنے کی وجہ سے فیشن انڈسٹری سے کنارہ کشی نہیں کرسکتی۔
فیشن انڈسٹری میری پہلی محبت ہے اورآج جو مقام اورشہرت میرے پاس ہے وہ سب فیشن انڈسٹری کی بدولت ہے۔ ان خیالات کااظہارآمنہ الیاس نے ''ایکسپریس''سے کیا۔ انھوں نے کہا کہ جب میں نے فیشن انڈسٹری میں قدم رکھا توکبھی سوچا نہ تھا کہ میں فلم اورٹی وی ڈراموں میں بھی اداکاری کے جوہر دکھاؤنگی' میں نے فیشن کی دنیا میں اپنا سفرشروع کیا اور دیکھتے ہی دیکھتے کامیابی اورشہرت نے میرے بہترین کام کی بدولت مجھے فلموں میں کام کرنے کا موقع دلوادیا۔
پہلی ہی فلم میں بالی ووڈ کے بین الاقوامی شہرت یافتہ ورسٹائل اداکارنصیرالدین شاہ کے ساتھ کام کرنے کا موقع ملا جوبہت یادگار رہا۔ اس فلم کے بعد جہاں مزید اچھی اورمعیاری فلموں کی آفرز کاسلسلہ شروع ہوگیا ، وہیں ٹی وی سیریلز میں بھی مرکزی کرداروں کی پیشکش شروع ہوگئی۔ میں نے اپنے قریبی دوستوں کے مشورے کے ساتھ نئے پراجیکٹ سائن ضرور کیے ہیں لیکن فیشن انڈسٹری کونہیں چھوڑا۔ مجھے فیشن انڈسٹری سے بہت لگاؤ ہے۔ مجھے سجنا سنورنا اچھا لگتاہے۔ فیشن انڈسٹری کے باصلاحیت لوگ ہربار کچھ ایسانیا انداز متعارف کرواتے ہیں کہ میں دنگ رہ جاتی ہوں۔ یہی وجہ ہے کہ مجھے فیشن انڈسٹری سے محبت ہے ۔ میں فلم اورٹی وی میں کام کرتے ہوئے مستقبل میں بہت نام بھی کما لوں توبھی اس سے دورنہیں رہ سکتی۔
ایک سوال کے جواب میں آمنہ الیاس نے کہا کہ پاکستان فلم انڈسٹری کے نئے دورکاآغاز ہوچکاہے۔ اس وقت ہمارے ہاں نئے لوگ تجرباتی انداز سے فلمیں بنارہے ہیں لیکن تاحال شائقین فلم کامزاج سمجھ نہیں آسکا۔ اس لیے یہ کہنا توفی الحال ممکن نہیں ہے کہ میں صرف کمرشل فلموں میں کام کرونگی یا آرٹ فلموں میں بھی اداکاری کے جوہردکھاؤنگی مگرمجھے جب بھی کوئی اچھا کردارآفرہوگا تومیں اس کوترجیح دوں گی۔ اس وقت بھی میں ایک کمرشل فلم میں مرکزی کردارادا کررہی ہوں جس کی شوٹنگ آخری مراحل میں داخل ہونے والی ہیں۔
اس کے علاوہ پرائیویٹ پروڈکشنز کے سیریلز ہیں اور دوسری جانب فیشن انڈسٹری کے فوٹوشوٹس اور کمرشلز میں بھی حصہ لے رہی ہوں۔ انھوں نے کہا اس وقت دن رات فنی سرگرمیاں جاری ہیں اورمجھے امید ہے کہ آنیوالے چند ماہ کے دوران ٹی وی کے ناظرین کومیرا بہترین کام دیکھنے کاموقع ملے گا جب کہ فلم کی ایڈیٹنگ اور پوسٹ پروڈکشن مکمل ہونے پرایک بین الاقوامی معیار کی نئی فلم بھی ریلیزہوگی جس میں شائقین میرا ایک نیا روپ دیکھ سکیں گے۔
پاکستان فیشن انڈسٹری کی سُپرماڈل آمنہ الیاس نے کہا ہے کہ فلم اورٹی وی ڈراموں میں منفرد کردار اداکررہی ہوں لیکن ان دونوں میڈیم میں کام کرنے کی وجہ سے فیشن انڈسٹری سے کنارہ کشی نہیں کرسکتی۔
فیشن انڈسٹری میری پہلی محبت ہے اورآج جو مقام اورشہرت میرے پاس ہے وہ سب فیشن انڈسٹری کی بدولت ہے۔ ان خیالات کااظہارآمنہ الیاس نے ''ایکسپریس''سے کیا۔ انھوں نے کہا کہ جب میں نے فیشن انڈسٹری میں قدم رکھا توکبھی سوچا نہ تھا کہ میں فلم اورٹی وی ڈراموں میں بھی اداکاری کے جوہر دکھاؤنگی' میں نے فیشن کی دنیا میں اپنا سفرشروع کیا اور دیکھتے ہی دیکھتے کامیابی اورشہرت نے میرے بہترین کام کی بدولت مجھے فلموں میں کام کرنے کا موقع دلوادیا۔
پہلی ہی فلم میں بالی ووڈ کے بین الاقوامی شہرت یافتہ ورسٹائل اداکارنصیرالدین شاہ کے ساتھ کام کرنے کا موقع ملا جوبہت یادگار رہا۔ اس فلم کے بعد جہاں مزید اچھی اورمعیاری فلموں کی آفرز کاسلسلہ شروع ہوگیا ، وہیں ٹی وی سیریلز میں بھی مرکزی کرداروں کی پیشکش شروع ہوگئی۔ میں نے اپنے قریبی دوستوں کے مشورے کے ساتھ نئے پراجیکٹ سائن ضرور کیے ہیں لیکن فیشن انڈسٹری کونہیں چھوڑا۔ مجھے فیشن انڈسٹری سے بہت لگاؤ ہے۔ مجھے سجنا سنورنا اچھا لگتاہے۔ فیشن انڈسٹری کے باصلاحیت لوگ ہربار کچھ ایسانیا انداز متعارف کرواتے ہیں کہ میں دنگ رہ جاتی ہوں۔ یہی وجہ ہے کہ مجھے فیشن انڈسٹری سے محبت ہے ۔ میں فلم اورٹی وی میں کام کرتے ہوئے مستقبل میں بہت نام بھی کما لوں توبھی اس سے دورنہیں رہ سکتی۔
ایک سوال کے جواب میں آمنہ الیاس نے کہا کہ پاکستان فلم انڈسٹری کے نئے دورکاآغاز ہوچکاہے۔ اس وقت ہمارے ہاں نئے لوگ تجرباتی انداز سے فلمیں بنارہے ہیں لیکن تاحال شائقین فلم کامزاج سمجھ نہیں آسکا۔ اس لیے یہ کہنا توفی الحال ممکن نہیں ہے کہ میں صرف کمرشل فلموں میں کام کرونگی یا آرٹ فلموں میں بھی اداکاری کے جوہردکھاؤنگی مگرمجھے جب بھی کوئی اچھا کردارآفرہوگا تومیں اس کوترجیح دوں گی۔ اس وقت بھی میں ایک کمرشل فلم میں مرکزی کردارادا کررہی ہوں جس کی شوٹنگ آخری مراحل میں داخل ہونے والی ہیں۔
اس کے علاوہ پرائیویٹ پروڈکشنز کے سیریلز ہیں اور دوسری جانب فیشن انڈسٹری کے فوٹوشوٹس اور کمرشلز میں بھی حصہ لے رہی ہوں۔ انھوں نے کہا اس وقت دن رات فنی سرگرمیاں جاری ہیں اورمجھے امید ہے کہ آنیوالے چند ماہ کے دوران ٹی وی کے ناظرین کومیرا بہترین کام دیکھنے کاموقع ملے گا جب کہ فلم کی ایڈیٹنگ اور پوسٹ پروڈکشن مکمل ہونے پرایک بین الاقوامی معیار کی نئی فلم بھی ریلیزہوگی جس میں شائقین میرا ایک نیا روپ دیکھ سکیں گے۔