ڈاکٹر شاہد صدیق کے بیٹے کی گرل فرینڈ کو شامل تفتیش کرلیا گیا

لاہور میں تحریک انصاف کے رہنما اور نجی اسپتال کے مالک ڈاکٹر شاہد صدیق کے قتل کے کیس میں پیش رفت ہوگئی۔

پولیس نے مقتول کے بیٹے قیوم کی گرل فرینڈ کو بھی شامل تفتیش کرلیا۔ پولیس کا کہنا ہے کہ لڑکی قتل کی واردات یا منصوبہ بندی میں ملوث ہے یا نہیں اس بارے میں تفتیش جاری ہے۔


پولیس کے مطابق واردات میں استعمال ہونے والی گاڑی وہاڑی سے رینٹ پر لی گئی اور ڈاکٹر شاہد صدیق کو قتل کرنے سے پہلے شوٹر نے اس گاڑی کی نمبر پلیٹ بھی تبدیل کی ، پھر واردات کرنے کے بعد شہر سے باہر نکلتے ہوئے گاڑی کی اصل نمبر پلیٹ لگائی گئی۔

یہ خبر بھی پڑھیں: لاہور؛ نجی اسپتال کے مالک پی ٹی آئی رہنما نماز جمعہ کی ادائیگی کے بعد قتل