اولمپکس گولڈ میڈل جیتنے کے بعد ارشد ندیم کی مقبولیت میں غیرمعمولی اضافہ

پیرس اولمپکس کے جیولین تھرو ایونٹ میں گولڈ میڈل جیتنے والے پاکستانی اولمپئین ارشد ندیم کی مقبولیت میں اضافہ ہونے لگا، چند گھنٹوں میں لاکھوں فالوورز بڑھ گئے۔

گولڈ میڈل جیت کر پوری قوم کا سر فخر سے بلند کرنے والے ارشد ندیم کی تاریخی کامیابی کے بعد اُن کے آفیشل انسٹاگرام ہینڈل کے فالوورز کی تعداد میں تیزی سے اضافہ ہورہا ہے۔

مزید پڑھیں: پیرس اولمپکس میں تاریخ رقم کرنیوالے ارشد ندیم کو گولڈ میڈل پہنا دیا گیا

جیولین تھرو کے فائنل سے قبل ارشد ندیم کے انسٹاگرام ہینڈل پر فالوورز کی تعداد ایک لاکھ 44 ہزار تھی لیکن جیسے ہی گزشتہ شب ارشد ندیم کے اولمپک ریکارڈ اور گولڈ میڈل جیتنے کی خبر سامنے آئی تو اُن کے فالوورز کی تعداد بڑھنے لگی۔




ارشد ندیم کے انسٹاگرام فالوورز کی تعداد میں ہزاروں نہیں بلکہ لاکھوں کا اضافہ ہوا ہے، اُنہیں انسٹاگرام پر چار لاکھ سے زائد صارفین نے فالو کرلیا ہے۔

سوشل میڈیا پر ارشد ندیم کو فالو کرنے کا سلسلہ جاری ہے اور ہر گزرتے لمحے کے ساتھ اُن کے فالوورز کی تعداد میں اضافہ دیکھنے کو مل رہا ہے۔



واضح رہے کہ پاکستان 32 سال بعد اولمپک میں کوئی بھی میڈل جیتنے میں کامیاب ہوا ہے، پاکستان نے آخری مرتبہ بار سلونا اولمپکس 1992 کی ہاکی میں برانز میڈل جیتا تھا جبکہ پاکستان نے آخری گولڈ میڈل 1984 میں 40 سال پہلے جیتا تھا جو ہاکی ٹیم نے دلوایا تھا۔

مزید پڑھیں: پیرس اولمپکس میں تاریخ رقم کرنیوالے ارشد ندیم کو آج گولڈ میڈل دیا جائیگا

فائنل مقابلے کے دوران ارشد ندیم اپنی پہلی باری میں تھرو نہ کرسکے لیکن دوسری باری میں انہوں نے 92.97 میٹر تھرو کی جو اولمپکس کی تاریخ کی اب تک سب سے بڑی تھرو ہے۔