عالمی مارکیٹ میں سونا مہنگا ہوگیا مقامی سطح پر قیمت مستحکم

عالمی مارکیٹ میں سونے کی قیمت میں اضافہ ہوگیا جب کہ مقامی سطح پر سونے کے نرخ مستحکم ہیں۔

بین الاقوامی بلین مارکیٹ میں فی اونس سونے کی قیمت میں 9ڈالر کا اضافہ ہوگیا، جس سے نئی قیمت 2439ڈالر کی سطح پر آ گئی۔

دوسری جانب عالمی مارکیٹ میں سونا مہنگا ہونے کے باوجود پرائس ایڈجسٹمنٹ کے سبب مقامی صرافہ مارکیٹوں میں پیر کے روز 24 قیراط کے حامل فی تولہ سونے کی قیمت بغیر کسی تبدیلی کے 256500روپے کی سطح پر مستحکم رہی اور اسی طرح فی 10 گرام سونے کی قیمت بھی بغیر کسی تبدیلی کے 219907 روپے کی سطح پر مستحکم رہی۔

اسی طرح ملک میں فی تولہ چاندی کی قیمت بھی بغیر کسی تبدیلی کے 2850روپے اور فی 10 گرام کی قیمت بغیر کسی تبدیلی کے 2443.41روپے کی سطح پر مستحکم رہی۔