اسلام آباد میں تنخواہ دار طبقے کا ٹیکس میں اضافے کے خلاف احتجاج

تنخواہ دار طبقے کی الائنس نے ٹیکسز کے خلاف وفاقی دارالحکومت میں جناح ایونیو پر احتجاج کیا اور حکومت کے خلاف نعرے بازی بھی کی ہے۔

ایکسپریس نیوز کے مطابق سیلرڈ کلاس الائنس کی جانب سے بجٹ میں تنخواہوں پر نافذ کیے جانے والے ٹیکسز کے خلاف سعودی پاک ٹاور سے سیونتھ ایونیو تک احتجاجی ریلی نکالی گئی جبکہ مظاہرین نے جناح ایونیو پہنچ کر احتجاج کیا، جس میں سول سوسائٹی کے نمائندوں نے بھی شرکت کی۔


شرکا نے ہاتھوں میں بینرز اور پلے کارڈ اٹھا رکھے تھے جن پر ٹیکسز کے خلاف اور انہیں واپسی لینے کے مطالبات کے نعرے درج تھے جبکہ شرکا نے حکومت کے خلاف بھی نعرے بازی کی۔

قومی پرچم ہاتھوں میں تھامے شرکا نے ٹیکس کم کرنے، تنخواہ دار طبقے کو جینے دو کے نعرے لگائے اور حکومت سے مطالبہ کیا کہ مہنگائی کی وجہ سے گزارا مشکل ہوگیا ہے لہذا حکومت نافذ کیے جانے والے ٹیکسز میں ریلیف دے اور فوری طور پر واپس لیا۔