کراچی ٹول پلازہ کے قریب ٹرک الٹنے سے 2 افراد جاں بحق 3 زخمی
مرغیوں سے بھرا ٹرک سپلائی کیلئے جارہا تھا کہ اچانک الٹ گیا، امدادی ٹیموں نے لاشوں اور زخمیوں کو اسپتال منتقل کردیا
ٹرک مرغیوں سے بھرا ہوا تھا جنہیں سپلائی کیا جارہا تھا، امدادی ٹیموں نے لاشوں اور زخمیوں کو اسپتال منتقل کردیا. فوٹو؛فائل
کراچی ٹول پلازہ کے قریب ٹرک الٹنے سے 2 افراد جاں بحق جبکہ 3 زخمی ہوگئے۔
ایکسپریس نیوز کے مطابق ٹول پلازہ کے قریب پولٹری فارم سے آنے والا ٹرک اچانک الٹ گیا جس کے نتیجے میں ٹرک میں سوار 2 افراد جاں بحق جبکہ 3 زخمی ہوگئے۔ ریسکیو ذرائع کے مطابق ٹرک میں سینکڑوں مرغیاں موجود تھیں جنہیں سپلائی کیا جانا تھا تاہم ٹول پلازہ کے قریب ٹرک کو حادثہ پیش آگیا۔ حادثے کے بعد فوری طور پر امدادی ٹیمیں موقع پر پہنچ گئیں اور لاشوں و زخمیوں کو قریبی اسپتال منتقل کردیا گیا۔