اے ایس ایف کی اسلام آباد ایئرپورٹ پر کارروائی 830 گرام آئس برآمد

اے ایس ایف نے اسلام آباد ایئرپورٹ پر کارروائی کرتے ہوئے بحرین جانے والی پرواز کے مسافر سے 830 گرام آئس برآمد کر لی۔


مسافر مفکر ممتاز نے منشیات ٹرالی بیگ کے پائپوں میں مہارت سے چھپا رکھی تھی اے ایس ایف کے عملے نے مسافر کے سامان کو مشکوک قرار دیا تلاشی پر ٹرالی بیگ کے پائپوں سے 830 گرام آئس برآمد کرکے اسمگلنگ کی کوشش ناکام بنا دی گئی۔

اے ایس ایف کے مطابق ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کر دیا گیا۔