صدارتی انتخابات ٹیلر سوئفٹ کا کملا ہیرس کی حمایت کا اعلان

عالمی شہرت یافتہ امریکی گلوکارہ ٹیلر سوئفٹ نے امریکی صدارتی انتخابات میں ڈیموکریٹ کی امیدوار کملا ہیرس کی حمایت کا اعلان کیا ہے۔

ٹیلر سوئفٹ نے سوشل میڈیا سائٹ انسٹاگرام پر اپنی بلی کے ہمراہ اپنی تصویر پوسٹ کرتے ہوئے اعلان کیا کہ وہ سال 2024 کے صدارتی انتخابات میں کملا ہیرس اور ٹم والز کو اپنا ووٹ دیں گی۔

گلوکارہ نے کملا ہیرس کو ووٹ دینے کی وجہ بیان کرتے ہوئے کہا کہ کملا ہیرس حقوق کے لیے لڑتی ہیں اور ہمیں اُن جیسی جنگجو خاتون کی ہی ضرورت ہے۔

اُنہوں نے کہا کہ کملا ہیرس ایک مضبوط اور ہونہار رہنما ہیں، اُن کی قیادت میں ہمارا ملک ترقی کی مزید منازل طے کرے گا۔

ٹیلر سوئفٹ نے مداحوں سے مخاطب ہوتے ہوئے کہا کہ اُنہوں نے اپنی تحقیق مکمل کرکے کملا ہیرس اور ٹم والز کو ووٹ دینے کا فیصلہ کیا ہے، اب آپ اپنی تحقیق کرکے اپنا فیصلہ خود کریں۔

گلوکارہ نے مداحوں پر زور دیا کہ وہ اپنا ووٹ رجسٹرد کروائیں تاکہ وہ آسانی سے اپنا ووٹ کاسٹ کرسکیں۔


اُنہوں نے ٹم والز کو نائب صدر کے عہدے کے لیے امیدوار منتخب کرنے پر کملا ہیرس کی تعریف بھی کی۔

View this post on Instagram

A post shared by Taylor Swift (@taylorswift)