چینی شہری کی 3 جہتی تصاویر دنیا بھر میں توجہ کا مرکز

چین میں ایک شہری اپنی تین جہتی تفصیلی مصوری کی وجہ سے دنیا بھر میں توجہ حاصل کرچکا ہے۔

لی جیاؤ چین کے صوبہ سیچوان سے تعلق رکھتے ہیں جو ایک باصلاحیت نوجوان فنکار ہیں اور انتہائی تفصیلی تین جہتی مصوری میں مہارت رکھتے ہیں۔

لی ہمیشہ سے آرٹ کے بارے میں پرجوش رہے ہیں۔ یہاں تک کہ الیکٹریکل آٹومیشن میں مہارت حاصل کرنے کے باوجود ان کے اقربا میں کسی کے لیے بھی حیرانی کی بات نہیں تھی جب انہوں نے آرٹس میں کیریئر بنانے کا انتخاب کیا۔




لی نے اپنا زیادہ تر وقت منفرد اور چشم کشا بصری جادوئی تصاویر تیار کرنے پر مرکوز کیا جہاں انہوں نے اپنی ماہر مصوری کی مہارت کا استعمال کرتے ہوئے پس منظر میں مختلف اشیاء جیسے لیمپ پوسٹس، درختوں کے تنوں اور یہاں تک کہ بڑی عمارتوں کو چھپایا۔



لی نے چینی ویڈیو شیئرنگ پلیٹ فارم ٹک ٹاک پر اپنے شاہکار شیئر کرکے شہرت حاصل کی لیکن وہ پچھلے کچھ سالوں میں مین اسٹریم ٹیلی ویژن پر بھی نمایاں ہیں۔